आंध्र प्रदेशचे मुख्यमंत्री जगनमोहन रेड्डी यांची शनिवारी युवाजन श्रमिक रायथू काँग्रेसच्या (वायएसआर काँग्रेस) आजीवन अध्यक्षपदी निवड करण्यात आली.
पक्षाच्या दोन दिवसीय अधिवेशनाच्या समारोपाच्या दिवशी पक्षातर्फे ही निवड करण्यात आली.
जगन यांची आजीवन अध्यक्षपदी निवड व्हावी यासाठी यापूर्वी पक्षाच्या घटनेत दुरुस्ती करण्यात आली होती.
जगनमोहन यांनी 2011 मध्ये काँग्रेस सोडल्यानंतर ‘वायएसआर काँग्रेस’ची स्थापना केली आणि तेव्हापासून ते पक्षाचे अध्यक्ष आहेत आणि त्यांची आई विजयम्मा या मानद अध्यक्ष आहेत.
जगन यांची यापूर्वी 2017 मध्ये पक्षाच्या अधिवेशनात पक्षाध्यक्षपदी निवड झाली होती.
ब्रिटिशांनी बंदी घातलेल्या क्रांतिकारकांच्या कविता भारत सरकार करणार प्रकाशित :
भारतीय स्वातंत्र चळवळीच्या काळात अनेक क्रांतीकारकांनी लिहिलेल्या कविता आणि लेखांवर ब्रिटीशांनी बंदी आणली होती.
तर या कविता आणि लेख भारत सरकार पुन्हा प्रकाशित करणार आहे.
स्वातंत्र्या अमृत महोत्सवानिमित्ताने भारत सरकारने हा निर्णय घेतला आहे.
अमृत महोत्सवानिमित्ताने भारत सरकारने एक संकेतस्थळ सुरू केले आहे. या संकेतस्थळावर एक वेगळा सेक्शन तयार करण्यात आला आहे.
तसेच याच सेक्शनमध्ये 1947 पूर्वी क्रांतीकारकांनी लिहिलेल्या कविता आणि लेख प्रकाशित करण्यात येणार आहे.
तर हे सर्व साहित्य बंगाली, गुजराती, हिंदी, कन्नड, मराठी, ओडीया, पंजाबी, सिंधी, तामिळ, तेलुगू आणि उर्दू भाषेत प्रकाशित करण्यात येईल.
यासोबत अनेक कवितांचे व्हिडीओ देखील येथे प्रकाशित करण्यात आले आहे.
भारत-इंग्लंड ट्वेन्टी-20 मालिका :
रवींद्र जडेजाच्या फटकेबाजीनंतर गोलंदाजांनी केलेल्या सांघिक कामगिरीच्या जोरावर भारताने शनिवारी दुसऱ्या ट्वेन्टी-20 क्रिकेट सामन्यात इंग्लंडवर 49 धावांनी मात केली.
तर या विजयासह भारताने तीन सामन्यांच्या या मालिकेत 2-0 अशी विजयी आघाडी मिळवली आहे.
तर या मालिकेतील तिसरा सामना रविवारी खेळवण्यात येईल.
बर्मिगहॅम येथे झालेल्या दुसऱ्या सामन्यात भारताने दिलेल्या 171 धावांच्या आव्हानाचा पाठलाग करताना इंग्लंडचा संघ 17 षटकांत 121 धावांत गारद झाला.
विम्बल्डन टेनिस स्पर्धात रायबाकिनाला ऐतिहासिक जेतेपद :
रशियाची माजी खेळाडू आणि आता कझाकस्तानचे प्रतिनिधित्व करणाऱ्या एलिना रायबाकिनाने ऐतिहासिक अधिराज्य गाजवताना विम्बल्डन टेनिस स्पर्धेचे जेतेपद पटकावले.
शनिवारी झालेल्या महिला एकेरीच्या अंतिम सामन्यात तिने पिछाडीवरून तिसऱ्या मानांकित टय़ुनिशियाच्या ओन्स जाबेऊरला पराभवाचा धक्का देत पहिल्या ग्रँडस्लॅम जेतेपदावर कब्जा केला.
तसेच ग्रँडस्लॅम स्पर्धा जिंकणारी ती कझाकस्तानची पहिली टेनिसपटू ठरली.
रशिया-युक्रेन युद्धाच्या पार्श्वभूमीवर यंदाच्या विम्बल्डनमध्ये रशिया आणि बेलारूसच्या खेळाडूंवर बंदी घालण्यात आली होती.
मात्र, 2018पासून रशियन रायबाकिना कझाकस्तानचे प्रतिनिधित्व करत असल्याने तिला यंदाच्या स्पर्धेत सहभागी होण्याची संधी मिळाली आणि तिने या संधीचे सोने केले.
11 विम्बल्डन स्पर्धा जिंकणारी 23 वर्षीय रायबाकिना ही गेल्या 11 वर्षांतील सर्वात युवा महिला टेनिसपटू ठरली आहे.
दिनविशेष :
सन 1940 मध्ये बॅटल ऑफ ब्रिटन या नावाने ओळखले जाणारे हवाईयुद्ध सुरू झाले.
सन 1973 मध्ये पाकिस्तानच्या संसदेने बांगलादेशला मान्यता दिली.
सन 1978 मध्ये मुंबई येथे महात्मा फुले मागासवर्गीय विकास महामंडळाची स्थापना झाली.
सन 1992 आर्वी येथील विक्रम इनसॅट भू-केंद्र राष्ट्राला अर्पण केले.
तसेच सन 1992 मध्येह संपूर्ण स्वदेशी बनावटीच्या इन्सॅट-2ए या उपग्रहाचे फ्रेंच गयानातील कोउरू येथून प्रक्षेपण झाले.
Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.