Categories: Current Affairs (चालू घडामोडी)Education News

11 एप्रिल 2022 चालू घडामोडी – Current Affairs

11 April 2022 Current Affairs In Marathi (Chalu Ghadamodi)

चालू घडामोडी (11 एप्रिल 2022)

केंद्र सरकारच्या उत्कृष्ट जिल्हा परिषद पुरस्कारात कोल्हापूर अव्वल :

राष्ट्रीय पंचायतराज दिनाचे औचित्य साधत केंद्र सरकारने राष्ट्रीय पंचायत पुरस्कार जाहीर केले आहे.
तर यात दीनदयाळ उपाध्याय पंचायत सशक्तीकरण पुरस्कार 2022 उत्कृष्ट जिल्हा परिषद पुरस्कारात कोल्हापूर जिल्हा परिषद अव्वल ठरली असून, पंचायत समिती पुरस्कारामध्ये राहता आणि मालवण पंचायत समित्यांची निवड करण्यात आली आहे.
त्याचबरोबर बालसुलभ ग्राम पंचायत पुरस्कार कोल्हापूर जिल्ह्यातील श्रुंगारवाडी ग्रामपंचायतीस आणि ग्राम पंचायत विकास आराखडा पुरस्कार अहमदनगरच्या लोहगाव या ग्रामपंचायतीला मिळाला आहे.
तसेच नानाजी देशमुख राष्ट्रीय गौरव ग्रामसभा पुरस्कार उस्मानाबादमधील भंडारवाडी या ग्रामपंचायतीला मिळाल्याची माहिती ग्रामविकास मंत्री हसन मुश्रीफ यांनी दिली.
दिनदयाळ उपाध्याय पंचायत सशक्तीकरण पुरस्कार 2022 अंतर्गत उत्कृष्ट ग्रामपंचायत पुरस्कारात 17 ग्रामपंचायतींची निवड करण्यात आली आहे.

Must Read (नक्की वाचा):

चालू घडामोडी (10 एप्रिल 2022)

पाकिस्तानात आज पंतप्रधानांची निवड :

गेल्या काही दिवसांतील नाटय़मय राजकीय घडामोडीनंतर पाकिस्तानात रविवारी सत्तापालटावर शिक्कामोर्तब झाले.
पाकिस्तान मुस्लीम लीग-नवाझ पक्षाचे (पीएमएल-एन) अध्यक्ष शाहबाझ शरीफ यांनी रविवारी पंतप्रधानपदासाठी अर्ज दाखल केला.
तर दुसरीकडे अविश्वास ठराव मंजूर झाल्याने पंतप्रधानपदावरून पायउतार झालेल्या इम्रान खान यांनी, आपल्या समर्थकांना रस्त्यावर उतरण्याचे आवाहन करीत पुन्हा स्वातंत्र्याचा लढा सुरू झाल्याची प्रतिक्रिया व्यक्त केली.
पाकिस्तानच्या पंतप्रधानपदाची निवडणूक आज, सोमवारी होत आहे.
पाकिस्तानचे माजी अध्यक्ष आणि पाकिस्तान पीपल्स पार्टीचे (पीपीपी) सहअध्यक्ष असीफ अली झरदारी यांनी विरोधी आघाडीच्या संयुक्त बैठकीत शाहबाझ यांचे पंतप्रधानपदासाठी नाव सुचवले.
शाहबाझ हे पाकिस्तानचे माजी पंतप्रधान नवाझ शरीफ यांचे धाकटे भाऊ आहेत.

कनिष्ठ विश्वचषक हॉकी स्पर्धात उपांत्य फेरीत भारताचा पराभव :

भारतीय महिला हॉकी संघाला ‘एफआयएच’ कनिष्ठ विश्वचषक हॉकी स्पर्धेतील उपांत्य फेरीच्या सामन्यात रविवारी तीन वेळच्या विजेत्या नेदरलँड्सकडून 0-3 असा पराभव पत्करावा लागला.
त्यामुळे भारताचे पहिल्यांदा या स्पर्धेची अंतिम फेरी गाठण्याचे स्वप्न अधुरेच राहिले.
भारतीय महिला संघाने 2013 च्या पर्वात कांस्यपदक जिंकले होते.
तर ही भारताची कनिष्ठ विश्वचषकातील सर्वोत्तम कामगिरी होती.
तसेच आता मंगळवारी भारतीय संघ कांस्यपदकाच्या लढतीत खेळेल.
नेदरलँड्सने मात्र आक्रमण आणि बचाव या दोन्हींत अप्रतिम खेळ करताना सलग चौथ्यांदा स्पर्धेची अंतिम फेरी गाठली आहे.

वॉर्नरची तुफान फटकेबाजी, रचला ‘हा’ नवा विक्रम :

आयपीएलच्या पंधराव्या हंगामातील कोलकाता आणि दिल्ली कॅपिट्लस यांच्यातील सामन्याला चांगलीच रंगत चढलीय.
तर या सामन्यात अगोदर फलंदाजीसाठी आलेल्या दिल्ली कॅपिटल्सने तुफान फटकेबाजी करत केकेआरच्या गोलंदाजांना घाम फोडला.
सलामीला आलेल्या देविड वॉर्नरने तर चौकार आणि षटकार लगावत या हंगामातील पहिले अर्धशतक झळकावले आहे.
विशेष म्हणजे या सामन्यात डेविड वॉर्नरने मोठा विक्रम नोंदवला असून आयपीएलच्या इतिहासात तो सर्वाधिक अर्धशतक झळकावणारा फलंदाज ठऱला आहे.
तर त्याच्या या खेळीमुळेच दिल्लीला 215 धावांपर्यंत मजल मारता आली.

दिनविशेष:

11 एप्रिल हा ‘दिवस जागतिक पार्किन्सन दिन’ आहे.
कंपवाताचा मानवी मेंदूशी संबंध आहे हे सिद्ध करणारे शास्त्रज्ञ जेम्स पार्किन्सन यांचा जन्म 11 एप्रिल 1755 रोजी झाला.
श्रेष्ठ समाजसुधारक तसेच श्रमजीवी वर्गाच्या शोषणाची दास्याची मीमांसा करणारे क्रांतिकारक विचारवंत ज्योतीराव गोविंदराव फुले ऊर्फ महात्मा फुले यांचा जन्म 11 एप्रिल 1827 मध्ये झाला.
कस्तुरबा गांधी यांचा जन्म 11 एप्रिल 1869 मध्ये झाला होता.
सन 1919 मध्ये इंटरनॅशनल लेबर ऑर्गनायझेशनची स्थापना झाली.
सन 1999 मध्ये अग्नी-2 या क्षेपणास्त्राची यशस्वी चाचणी झाली

Must Read (नक्की वाचा):

चालू घडामोडी (12 एप्रिल 2022)

2 years ago

Dhanshri Patil

Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.