Categories: Current Affairs (चालू घडामोडी)Education News

14 डिसेंबर 2022 चालू घडामोडी – Current Affairs

14 December 2022 Current Affairs In Marathi (Chalu Ghadamodi)

चालू घडामोडी (14 डिसेंबर 2022)

अणुकेंद्रक संयोगातून ऊर्जानिर्मिती प्रयोगाला मोठे यश :

अणुकेंद्रकांच्या संयोगातून (न्यूक्लिअर फ्यूजन) ऊर्जानिर्मिती करण्याच्या प्रयोगाला अमेरिकेतील संशोधकांना मोठे यश आले आहे.
या प्रक्रियेसाठी लागलेल्या ऊर्जेपेक्षा अधिक ऊर्जेची निर्मिती करण्याचा प्रयोग यशस्वी झाला असून त्यामुळे कार्बनमुक्त आणि सुरक्षित ऊर्जानिर्मितीचा पर्याय उपलब्ध होण्याची शक्यता बळावली आहे.
यावर अधिक संशोधन होऊन खरोखर निर्मितीप्रकल्प अस्तित्वात आले, तर केवळ एक ग्लास पाण्यापासून एका घराला वर्षभर पुरेल इतकी वीज निर्माण होऊ शकेल.
अणुकेंद्रक संयोग प्रक्रियेमध्ये डय़ुटेरिअम आणि ट्रीटियम या हायड्रोजनच्या समस्थानिकांमध्ये (आयसोटोप्स) संयोग घडविण्यात आला आहे.
अमेरिका, ब्रिटन आणि युरोपमध्ये या प्रक्रियेवर अनेक वर्षांपासून संशोधन सुरू आहे.
फ्रान्समधील ‘इंटरनॅशनल थर्मोन्यूक्लिअर एक्सप्रिमेंटल रिअॅक्टर’ प्रयोगशाळा हे युरोपातील संशोधनाचे मुख्य केंद्र आहे.
या प्रयोगामध्ये भारतासह चीन, अमेरिका, युरोपीय महासंघ, रशिया, जपान, दक्षिण कोरिया अशा 35 देश या प्रयोगामध्ये सहभागी आहेत.

Must Read (नक्की वाचा):

चालू घडामोडी (13 डिसेंबर 2022)

भारत-बांगलादेश पहिली कसोटी आजपासून :

केएल राहुलची नेतृत्वक्षमता आणि फलंदाजांची बुधवारपासून बांगलादेशविरुद्ध सुरू होणाऱ्या दोन सामन्यांच्या कसोटी मालिकेत कस लागणार आहे.
तसेच, या मालिकेचा निकाल जागतिक कसोटी अजिंक्यपदच्या (डब्ल्यूटीसी) अंतिम सामन्यात पात्रता मिळवण्याच्या भारताच्या आशा आणखी मजबूत करू शकतात.
भारतीय संघ या मालिकेत काही महत्त्वाच्या खेळाडूंशिवाय मैदानात उतरेल.
भारत ‘डब्ल्यूटीसी’ गुणतालिकेत ऑस्ट्रेलिया, दक्षिण आफ्रिका आणि श्रीलंकेनंतर चौथ्या स्थानावर आहे.
भारताला जूनमध्ये होणाऱ्या अंतिम सामन्याकरता पात्रता मिळवायची असल्यास त्यांना बांगलादेशविरुद्ध दोन आणि ऑस्ट्रेलियाविरुद्ध चारही कसोटी सामने जिंकावे लागतील.

अर्जेंटिना सहाव्यांदा अंतिम फेरीत :

लिओनेल मेस्सीने आपल्या जादुई कामगिरीच्या जोरावर अर्जेंटिनाला अंतिम फेरीत नेले आहे.
त्याच्या नेतृत्वाखाली अर्जेंटिनाचा संघ दुसऱ्यांदा अंतिम सामना खेळणार आहे.
शेवटच्या वेळी 2014 मध्ये त्यांच्या संघाला विजेतेपदाच्या लढतीत जर्मनीकडून पराभव पत्करावा लागला होता.
लुसेल स्टेडियमवर अर्जेंटिनाने गतवेळच्या उपविजेत्या क्रोएशियाचा 3-0 असा पराभव केला.
आता अंतिम फेरीत त्याचा सामना याच मैदानावर गतविजेता फ्रान्स किंवा मोरोक्कोशी 18 डिसेंबर रोजी होईल.
अर्जेंटिनाचा संघ सहाव्यांदा अंतिम फेरीत पोहोचला आहे.
1978 च्या फायनलमध्ये अर्जेंटिनाने नेदरलँड्सचा पराभव करून पहिल्यांदा विजेतेपदावर कब्जा केला.

दिनविशेष:

योगाचार्य बी.के.एस. अय्यंगार यांचा जन्म 14 डिसेंबर 1918 रोजी झाला होता.
अभिनेता, निर्माता व दिग्दर्शक राज कपूर यांचा जन्म 14 डिसेंबर 1924 मध्ये झाला होता.
‘दुसरे महायुद्ध‘ सन 1941 मध्ये जपानने थायलँडबरोबर सहकार्याचा करार केला.
इंदिरा गांधी यांचे पुत्र ‘संजय गांधी‘ यांचा जन्म 14 डिसेंबर 1946 मध्ये झाला होता.
सन 1961 मध्ये टांझानियाचा संयुक्त राष्ट्रांत (United Nations) प्रवेश झाला.

Must Read (नक्की वाचा):

चालू घडामोडी (15 डिसेंबर 2022)

2 years ago

Dhanshri Patil

Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.