भारताच्या लष्कराला आता अत्याधुनिक रायफली मिळण्याचा मार्ग मोकळा झाला आहे.
उत्तर प्रदेश इथल्या अमेठी इथे रशियाचे तंत्रज्ञान असलेल्या एके-203 (AK-203) या जगातील अत्याधुनिक स्वयंचलित रायफलींच्या उत्पादनाला अखेर सुरुवात झाली आहे.
लष्कराकडे सध्या INSAS (Indian Small Arms System) प्रकारातील रायफली असून आता त्याची जागा आधुनिक एके-203 घेणार आहे.
एके-203 रायफल ही सध्याच्या काळातील रायफल प्रकारातील सर्वात अत्याधुनिक रायफल म्हणून ओळखली जाते.
रायफलच्या मॅगझिनमझध्ये 30 ते 50 गोळ्या सामावण्याची क्षमता असली तरी एका मिनीटात 700 एवढ्या वेगाने गोळ्या डागण्याची-झाडण्याची या रायफलची क्षमता आहे.
एवढंच नाही जास्ती जास्त 800 मीटर अंतरापर्यंतच अचूक मारा करण्याची क्षमता या रायफलमध्ये आहे.
भारतीय जनता पक्षाचे विद्यमान राष्ट्रीय अध्यक्ष जगत प्रकाश नड्डा यांना पुढील वर्षी होऊ घातलेल्या लोकसभा निवडणुकीपर्यंत (जूनपर्यंत) पदावर कायम ठेवण्याचा निर्णय पक्षाच्या राष्ट्रीय कार्यकारिणीच्या बैठकीत मंगळवारी घेण्यात आला.
नवी दिल्लीत झालेल्या पक्षाच्या राष्ट्रीय कार्यकारिणीच्या बैठकीत शिक्कामोर्तब करण्यात आले.
केंद्रीय संरक्षण मंत्री राजनाथ सिंह यांनी नड्डा यांना मुदतवाढ देण्याबाबतचा ठराव मांडताच तो एकमताने मंजूर करण्यात आला.
शालेय शिक्षण प्रक्रियेत तृतीयपंथी विद्यार्थ्यांचे सहजतेने एकत्रीकरण करण्यासाठी ‘राष्ट्रीय शिक्षण संशोधन आणि प्रशिक्षण परिषदे’ने (एनसीईआरटी) विविध उपाययोजना हाती घेतल्या आहेत.
तृतीयपंथी विद्यार्थ्यांसाठी लिंगभाव विरहित गणवेश, तृतीयपंथी समावेश अभ्यासक्रम, सुरक्षित स्वच्छतागृह या विविध सुविधांसह लिंगआधारित हिंसा रोखण्यासाठीच्या उपाययोजना करण्याच्या शिफारशी एनसीईआरटीने आपल्या अहवालात केल्या आहेत.
‘एनसीईआरटी’च्या लिंग अभ्यास विभागाच्या प्रमुख ज्योत्स्ना तिवारी यांच्या नेतृत्वाखालील 16 सदस्यीय समितीने यासंबंधी मसुदा तयार केला आहे.
दिनविशेष:
न्यायमूर्ती महादेव गोविंद रानडे यांचा जन्म 18 जानेवारी 1842 मध्ये झाला होता.
चंदन तस्कर वीरप्पन याचा जन्म 18 जानेवारी 1952 रोजी झाला होता.
सन 1998 मध्ये मदनमोहन पूंछी यांनी भारताचे 28वे सरन्यायाधीश म्हणुन कार्यभार सांभाळला.
नोबेल पारितोषिक विजेते अर्थशास्त्रज्ञ अमर्त्य सेन यांना सन 1999 मध्ये भारतरत्‍न हा सर्वोच्‍च नागरी सन्मान जाहीर झाला होता.
Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.