Categories: Current Affairs (चालू घडामोडी)Education News

19 जून 2022 चालू घडामोडी – Current Affairs

19 June 2022 Current Affairs In Marathi (Chalu Ghadamodi)

चालू घडामोडी (19 जून 2022)

शेताच्या बांधावरून होणारे तंटे संपणार :

जमिनींच्या बांधांवरून होणारे वाद कायमचे मिटणार आहेत.
कारण आता मोजणीची प्रकरणे ही वेगाने आणि अचूक होण्यासाठी भूमिअभिलेख कार्यालयाकडून रायगड जिल्ह्यासाठी 6 जमीन मोजणी यंत्रे (रोव्हर मशीन) खरेदी करण्यात येणार आहेत.
उपग्रहाच्या आधारे प्राप्त होणाऱ्या तरंगलहरीद्वारे (सिग्नल) रोव्हर मशीनच्या माध्यमातून मिळणारे अक्षांश आणि रेखांश हे कायमस्वरूपी जतन होणार आहेत.
या पद्धतीने होणाऱ्या मोजणीमुळे बांध खोदून जमीन बळकावण्याचे प्रकार कायमचे थांबणार असून, नैसर्गिक आपत्तीमुळे मोजणीच्या खुणा गेल्या, तरी अक्षांश आणि रेखांशांच्या साह्याने पूर्वीच्या खुणा मिळू शकणार आहेत.
यापूर्वी प्लेन टेबलने जमीन मोजणी करण्यात येत होती. त्यामुळे जमीन मोजणीसाठी विलंब लागायचा.
सध्या इलेक्ट्रॉनिक टोटल मशीन (ईटीएस) यंत्रांच्या साह्याने मोजणी केली जाते.
रोव्हर मशीनमुळे जमीन मोजणी ही उपग्रहाच्या साह्याने केली जाणार असल्याने ही मोजणी अचूक असणार आहे.
मोजणी करण्यासाठी 77 मोजणी स्थानके म्हणजे कंन्टिन्यूस ऑपरेशन रेफरन्स स्टेशन (कॉर्स) उभारण्यात येणार आहेत.

Must Read (नक्की वाचा):

चालू घडामोडी (18 जून 2022)

पंतप्रधान मोदींच्या मातोश्रींचा वाढदिवसाच्या दिवशी अनोखा सन्मान :

गांधीनगरमधील एका रस्त्याला पंतप्रधान नरेंद्र मोदी यांच्या आई हीराबेन यांचे नाव देण्याचा निर्णय घेण्यात आला आहे.
पंतप्रधान नरेंद्र मोदी यांची आई हीराबेन यांचा 18 जूनरोजी वाढदिवस आहे.
त्या वयाच्या 100 व्या वर्षात पदार्पण करत असून त्यानिमित्त मोदींनी आईची भेट घेतल्याचा फोटो ट्विटरवरुन पोस्ट केले आहेत.
पंतप्रधान मोदींच्या मातोश्रींचा वाढदिवसाच्या दिवशी अनोखा सन्मान केला जात आहे.
त्यांच्या नावाने आता एक रस्ता ओळखला जाणार आहे. रायसन पेट्रोल पंपापासून ८० मीटर रस्त्याला ‘पूज्य हिराबा मार्ग’ असे नाव देण्याचा निर्णय घेण्यात आला आहे.

असांज यांच्या अमेरिकेतील प्रत्यार्पणास ब्रिटनची मंजुरी :

इराक आणि अफगाणिस्तानमधील युद्धांशी संबंधित गोपनीय दस्तावेज उघड केल्याच्या आरोपावरून ‘विकिलिक्स’चे संस्थापक ज्युलियन असांज यांचे अमेरिकेस प्रत्यार्पण करण्यास ब्रिटन सरकारने शुक्रवारी मंजुरी दिली.
ब्रिटनच्या गृह मंत्रालयाने सांगितले की, गृहमंत्री प्रीती पटेल यांनी मूळचे ऑस्ट्रेलियाचे 50 वर्षीय नागरिक असांज यांच्या प्रत्यार्पण आदेशावर स्वाक्षरी केली.
अमेरिकेत जाणे टाळण्यासाठी असांज अनेक वर्षांपासून देत असलेल्या कायदेशीर लढाईस मिळालेले हे महत्त्वपूर्ण वळण आहे.
मात्र, असांज यांना या निर्णयाविरुद्ध याचिका दाखल करण्यासाठी 14 दिवसांचा अवधी आहे.
असांज यांचे वकील कायदेशीर लढाईची दुसरी फेरी पुन्हा सुरू करण्याचीच शक्यता आहे.

ऑलिम्पिक विजेत्या नीरजला सुवर्णपदक :

भालाफेकपटू नीरज चोप्राने टोक्यो ऑलिम्पिकमधील सुवर्णपदकानंतर शनिवारी पहिले जेतेपद पटकावले.
फिनलंड येथे सुरू असलेल्या क्योर्टाने क्रीडा स्पर्धेत नीरजने पहिल्याच प्रयत्नात 86.69 मीटर अंतरावर भाला फेकून सुवर्णपदक कमावले.
या निमित्ताने विश्वविजेत्या अँडरसन पीटर्सला चार दिवसांत त्याने दोनदा मागे टाकले.
त्रिनिदाद अँड टोबॅगोच्या माजी ऑलिम्पिक विजेत्या केशॉर्न वॉलकॉट आणि ग्रनाडाच्या पीटर्स यांना अनुक्रमे दुसऱ्या आणि तिसऱ्या क्रमांकावर समाधान मानावे लागले.
नुकत्याच झालेल्या पाव्हो नूर्मी क्रीडा स्पर्धेत 24 वर्षीय नीरजने 89.30 मीटर अंतरावर भाला फेकून स्वत:चाच राष्ट्रीय विक्रम मोडित काढला होता.
याआधी नीरजच्या नावावर 88.07 मीटरचा राष्ट्रीय विक्रम होता.

दिनविशेष :

सन 1676 मध्ये छत्रपती शिवाजी महाराजांनी मराठा सरदार नेताजी पालकर यास शुध्द करुन हिंदु धर्मात घेतले.
19 जून 1901 हा भारतातील सुप्रसिध्द गणिततज्ञ व सांख्यिकीविज्ञ ‘रामचंद्र बोस’ यांचा जन्मदिन आहे.
हिंदुह्रदयसम्राट बाळासाहेब ठाकरे यांनी 19 जून 1966 मध्ये महाराष्ट्रातील मर्द मराठ्यांची शिवसेना स्थापन केली.

Must Read (नक्की वाचा):

चालू घडामोडी (20 जून 2022)

3 years ago

Dhanshri Patil

Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.