20 March 2022 Current Affairs In Marathi (Chalu Ghadamodi)
चालू घडामोडी (20 मार्च 2022)
‘बीसीसीआय’च्या सभांसाठी वेंगसरकर यांची नियुक्ती :
विरोधी गटाने माजी भारतीय कर्णधार दिलीप वेंगसरकर यांची भारतीय क्रिकेट नियामक मंडळासाठी (बीसीसीआय) मुंबई क्रिकेट संघटनेचे (एमसीए) प्रतिनिधित्व म्हणून नियुक्ती केली आहे.
रवी सावंत व रवी मांद्रेकर यांच्या नेतृत्वाखाली विरोधी गटाने आयोजित केलेल्या बैठकीला 109 अधिकृत स्वाक्षरीकर्ते सदस्य उपस्थित होते.
तर या सभेत सत्ताधारी गटाने घेतलेले निर्णय विरोधी गटाने बदलले.
तसेच या बैठकीला कोषाध्यक्ष जगदीश आचरेकर उपस्थित होते. पण, त्यांनी स्वाक्षरी केली नाही.
क्रिकेट सुधार समिती बरखास्त करण्याचा निर्णयही घेण्यात आला.
तसेच या त्रिसदस्यीय समितीत विनोद कांबळी, जतीन परांजपे आणि निलेश कुलकर्णी यांचा समावेश आहे.
पण, सलील अंकोला यांच्या नेतृत्वाखाली असलेल्या वरिष्ठ निवड समितीला कायम ठेवण्यात आले.
ऑल इंग्लंड बॅडमिंटन स्पर्धात अंतिम फेरी गाठणारा भारताचा पाचवा बॅडमिंटनपटू :
भारताच्या लक्ष्य सेनने चुरशीच्या लढतीत मलेशियाच्या ली झी जिआवर 21-13, 12-21, 21-19 असा विजय मिळवत ऑल इंग्लंड खुल्या बॅडिमटन स्पर्धेच्या पुरुष एकेरीची अंतिम फेरी गाठण्याचा पराक्रम केला.
प्रकाश नाथ, प्रकाश पदुकोण, पुलेला गोपीचंद आणि सायना नेहवालनंतर या प्रतिष्ठेच्या अंतिम फेरीत पोहोचणारा लक्ष्य हा पाचवा भारतीय खेळाडू आहे.
तर गेल्या सहा महिन्यांपासून 20 वर्षीय लक्ष्यचा खेळ उंचावत आहे. त्याने गेल्या वर्षी डिसेंबरमध्ये जागतिक अजिंक्यपद स्पर्धेचे कांस्यपदक मिळवले होते.
जानेवारीत त्याने ‘सुपर 500’ इंडिया खुल्या स्पर्धेचे जेतेपद मिळवले, तर गेल्या आठवडय़ात जर्मन खुल्या स्पर्धेत त्याला उपविजेतेपदावर समाधान मानावे लागले होते.
जागतिक क्रमवारीत सातव्या स्थानी असलेल्या मलेशियाच्या ली झी जिआविरुद्ध लक्ष्यने चांगली सुरुवात केली.
योगी आदित्यनाथांच्या शपथविधीचा मुहूर्त ठरला :
योगी आदित्यनाथ 25 मार्च रोजी उत्तर प्रदेशच्या मुख्यमंत्रिपदाची शपथ घेणार आहेत.
तर या शपथविधी सोहळ्याला पंतप्रधान नरेंद्र मोदी, गृहमंत्री अमित शाह आणि इतर केंद्रीय मंत्री उपस्थित राहणार आहेत.
लखनऊ येथील भारतरत्न श्री अटलबिहारी वाजपेयी एकना क्रिकेट स्टेडियममध्ये 25 मार्च, शुक्रवारी दुपारी 4 वाजता हा सोहळा होणार आहे.
स्टेडियममध्ये 50 हजार जण बसू शकतील एवढी क्षमता असून, याशिवाय सुमारे 200 व्हीव्हीआयपींसाठी स्टेडियममध्ये व्यवस्था करण्यात आली आहे.
मंत्रीमंडळाच्या पहिल्याच बैठकीत पंजाबच्या मुख्यमंत्र्यांचा मोठा निर्णय :
पंजाबमधील सत्तेची सूत्रे हाती घेताच मुख्यमंत्री भगवंत मान यांनी शुक्रवारी बेरोजगारी दूर करण्यासाठी मोठा निर्णय घेतला.
पंजाबचे मुख्यमंत्री भगवंत मान यांनी शनिवारी मुख्यमंत्री झाल्यानंतर पहिली मंत्रिमंडळ बैठक घेतली.
पहिल्या कॅबिनेट बैठकीत भगवंत मान यांनी सरकारी नोकऱ्यांबाबत काही महत्त्वाचे आणि मोठे निर्णय घेतले आहेत.
पंजाब मंत्रिमंडळाने शनिवारी पंजाब पोलीस विभागात 10,000 आणि इतर सरकारी विभागांमधील15,000 रिक्त पदांसह एकूण 25,000 सरकारी नोकऱ्या प्रदान करण्याचा ठराव मंजूर केला.
मुख्यमंत्री भगवंत मान यांच्या नेतृत्वाखालील मंत्रिमंडळात एका महिलेसह आम आदमी पक्षाच्या (आप) दहा आमदारांचा समावेश करण्यात आला आहे.
जपानची भारतात 4200 कोटी डॉलर गुंतवणूक :
जपानचे पंतप्रधान फुमिओ किशिदा आणि पंतप्रधान नरेंद्र मोदी यांच्यात शनिवारी दिल्लीत भारत-जपान चौदाव्या शिखर परिषदेत उभय बाजूंचे आर्थिक- सांस्कृतिक संबंध दृढ करण्याबाबत सकारात्मक चर्चा झाली.
त्यानंतर जपानकडून भारतात पुढील पाच वर्षांत 4200 कोटी डॉलरची गुंतवणूक करण्याची घोषणा करण्यात आली.
उभय देशांदरम्यान सायबर सुरक्षा आणि स्वच्छ ऊर्जा प्रकल्पांसाठीच्या करारांवरही स्वाक्षऱ्या करण्यात आल्या.
जपान आणि भारत हे विशेष नीतीत्मक आणि जागतिक भागीदार आहेत.
भारतीय संघ ऑस्ट्रेलियाकडून पराभूत :
ऑस्ट्रेलियाकडून शनिवारी सहा गडी राखून पराभूत झाल्यानंतर ‘आयसीसी’ महिला विश्वचषक क्रिकेट स्पर्धेतील भारताची उपांत्य फेरीची वाट बिकट झाली आहे.
विश्वचषकातील विक्रमी धावसंख्येचा पाठलाग करणारा मेग लॅनिंगच्या नेतृत्वाखालील ऑस्ट्रेलियाचा संघ हा उपांत्य फेरी गाठणारा पहिला संघ ठरला आहे.
कर्णधार मिताली राज, यास्तिका भाटिया आणि हरमनप्रीत कौर यांच्या अर्धशतकी खेळींमुळे भारताने 7 बाद 277 धावसंख्या उभारली.
भारताच्या डावात मिताली राज आणि यास्तिका भाटियाने तिसऱ्या गडय़ासाठी 130 धावांची भागीदारी रचली.
दिनविशेष:
20 मार्च हा दिवस ‘जागतिक चिमणी दिन, आंतरराष्ट्रीय ज्योतिष दिन, आंतरराष्ट्रीय आनंदाचा दिन तसेच जागतिक कथाकथन दिन आहे.
1602 यावर्षी डच इस्ट इंडिया कंपनीची स्थापना झाली.
सन 1916 मध्ये अल्बर्ट आईनस्टाईन यांनी सापेक्षवादाचा सिद्धांत मांडला.
महाडचा चवदार तळे सत्याग्रह सन 1917 मध्ये सुरु झाला.
पार्श्वगायिका अलका याज्ञिक यांचा जन्म 20 मार्च 1966 रोजी झाला.
Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.