22 March 2022 Current Affairs In Marathi (Chalu Ghadamodi)
चालू घडामोडी (22 मार्च 2022)
स्वामी शिवानंद योगासाठी पद्मश्री पुरस्काराने सन्मानित :
राष्ट्रपती रामनाथ कोविंद यांनी राष्ट्रपती भवनात देशातील सर्व व्यक्तिमत्त्वांना पद्म पुरस्कारांनी सन्मानित केले.
तर यावेळी वाराणसीचे 126 वर्षीय स्वामी शिवानंद पद्मश्री पुरस्कार स्वीकारण्यासाठी पोहोचले तेव्हा त्यांनी असे काम केले की संपूर्ण सभागृहात टाळ्यांचा गजर झाला.
राष्ट्रपती भवनात पुरस्कार स्वीकारण्यापूर्वी स्वामी शिवानंद यांनी तीनदा डोके टेकले.
वाराणसीचे 126 वर्षीय स्वामी शिवानंद यांना भारतीय जीवनपद्धतीत आणि योगाच्या क्षेत्रात उल्लेखनीय योगदान दिल्याबद्दल पद्मश्री पुरस्काराने सन्मानित करण्यात आले.
पंजाबमध्ये सत्तेवर आलेल्या आम आदमी पक्षाचे (आप) नवे पाच सदस्य मार्चच्या अखेरीस राज्यसभेवर निवडून जाऊ शकतील.
तर पाचही उमेदवारांच्या नावाची ‘आप’ने सोमवारी घोषणा केली असून त्यामध्ये माजी क्रिकेटपटू हरभजन सिंग आणि दिल्लीचे आमदार व पंजाबचे पक्षप्रभारी राघव चड्ढा यांचा समावेश आहे.
तसेच चढ्ढा हे राज्यसभेतील सर्वात तरुण खासदार ठरतील.
पंजाबमधून राज्यसभेवर निवडून गेलेले 5 सदस्य 9 एप्रिल रोजी निवृत्त होत असून त्यासाठी 31 मार्च रोजी निवडणूक होणार आहे.
भारतातील 29 पुरातन कलात्मक वस्तू ऑस्ट्रेलियाकडून परत :
ऑस्ट्रेलिया आणि भारत यांच्यादरम्यान सोमवारी आभासी शिखर परिषद होण्याच्या आधी ऑस्ट्रेलियाकडून भारताला भारतातील 29 पुरातन वस्तू परत करण्यात आल्या.
पंतप्रधान नरेंद्र मोदी यांनी या वस्तूंची पाहणी करून ऑस्ट्रेलियाचे पंतप्रधान स्कॉट मॉरिसन यांचे आभार मानले.
मॉरिसन आणि मोदी यांच्यातील आभासी शिखर बैठक सोमवारी पार पडली.
ऑस्ट्रेलियाकडून परत मिळालेल्या या वस्तू प्रामुख्याने सहा कलात्मक संकल्पनांवर आधारित आहेत.
यात शिव आणि त्याचे गण, शक्तिउपासना, विष्णुअवतार, जैन परंपरा यांच्यासह काही चित्रे आणि 28 कलात्मक वस्तूंचा समावेश आहे.
तसेच या वस्तू नवव्या आणि दहाव्या शतकातील वेगवेगळय़ा काळांतील आहेत.
शेती कायदे रद्द करण्याबाबत समिती प्रतिकूल :
सर्वोच्च न्यायालयाने नेमलेली समिती तीन वादग्रस्त शेती कायदे पूर्णपणे रद्द करण्यास अनुकूल नव्हती आणि पिकांची खरेदी विशिष्ट किमतीत करण्याचे काम राज्य सरकारांवर सोपवावे.
तसेच जीवनावश्यक वस्तू कायदा रद्द करावा अशी शिफारस तिने केली होती, असे समितीच्या तीनपैकी एका सदस्याने सोमवारी या समितीचा अहवाल जारी करताना सांगितले.
समितीचा अहवाल जारी करावा असे पत्र आपण तीन वेळा सर्वोच्च न्यायालयाला लिहिले होते, मात्र त्यांच्याकडून प्रतिसाद न मिळाल्याने आपण स्वत:च तो जारी करत आहोत, असे पुणे येथील शेतकरी नेते अनिल घनवट यांनी येथे पत्रकार परिषदेत सांगितले.
तीन शेती कायद्यांबाबतच्या आपल्या शिफारशी समितीने 19 मार्च 2021 रोजी सादर केल्या होत्या.
शेतकऱ्यांना सरकारी बाजार समित्यांबाहेर त्यांचा शेतीमाल विकण्याची परवानगी देण्याचा या शिफारशींमध्ये समावेश होता.
‘आयपीएल’मध्ये पहिल्यांदाच सांख्यिकी यंत्रमानवाचा वापर :
‘आयपीएल’चे प्रसारण करणारी वाहिनी स्टार स्पोर्टसचा तंत्रज्ञानाच्या वापरावर अधिकाधिक भर असून सामन्यांदरम्यान समालोचकांना संघांविषयी आवश्यक माहिती उपलब्ध करून देण्यासाठी यंदा ‘क्रिको’ नामक सांख्यिकी यंत्रमानवाचा (रोबो स्टॅटिस्टीक्स) वापर केला जाईल.
तर याबाबतची माहिती डिस्ने स्टारच्या क्रीडा विभागाचे प्रमुख संजोग गुप्ता यांनी दिली.
तसेच यंदा पहिल्यांदाच सर्व 74 सामन्यांचे मराठी भाषेत समालोचन केले जाईल. सं
दिनविशेष:
22 मार्च हा दिवस ‘जागतिक जल दिन‘ आहे.
यूए.एस.ए. टुडे चे स्थापक अल नेउहार्थ यांचा जन्म 22 मार्च 1924 मध्ये झाला होता.
सन 1945 मध्ये अरब लीगची स्थापना झाली.
हमीद दलवाई यांनी 1970 यावर्षी पुणे येथे मुस्लिम सत्यशोधक मंडळाची स्थापना केली.
सन 1999 मध्ये लता मंगेशकर आणि भीमसेन जोशी यांना पद्मविभूषण पुरस्कार जाहीर झाला.
Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.