23 August 2021 Current Affairs In Marathi (Chalu Ghadamodi)
चालू घडामोडी (23 ऑगस्ट 2021)
कल्याण सिंह कालवश :
उत्तर प्रदेशचे माजी मुख्यमंत्री आणि भाजपचे ज्येष्ठ नेते कल्याण सिंह यांचे शनिवारी रात्री येथील संजय गांधी वैद्यकीय विज्ञान संस्थेत (एसजीपीजीआय) निधन झाले.
तर कारसेवकांनी अयोध्येतील बाबरी मशीद 6 डिसेंबर 1992 रोजी पाडली, तेव्हा कल्याण सिंह उत्तरप्रदेशचे मुख्यमंत्री होते.
मशीद पाडल्याप्रकरणी दोषमुक्त केलेल्या 32 जणांमध्ये ज्येष्ठ नेते लालकृष्ण अडवाणी, मुरली मनोहर जोशी यांच्यासह कल्याण सिंह यांचाही समावेश होता.
तसेच कल्याण सिंह उत्तर प्रदेशचे दोन वेळा मुख्यमंत्री होते. दहावी-बारावीच्या परिक्षेत कॉपी करणाऱ्यांना शिक्षेची तरतूद करणारा कायदा त्यांनी मुख्यमंत्री असताना केला होता.
राजस्थान आणि हिमाचलच्या राज्यपालपदीही त्यांनी काम केले होते.
भारताच्या शैली सिंगने रविवारी जागतिक युवा अ‍ॅथलेटिक्स अजिंक्यपद स्पर्धेच्या अखेरच्या दिवशी रुपेरी पदकाची कमाई केली.
17 वर्षीय शैलीचे पदक एक सेंटीमीटरच्या फरकाने हुकल्याचे शल्य ती लपवू शकली नाही. परंतु भारताने या स्पर्धेत प्रथमच एकूण तीन पदके जिंकण्याची किमया साधली.
तर शैलीने अंतिम फेरीमधील तिसऱ्या प्रयत्नात 6.59 मीटर अंतरावर उडी मारत आघाडी मिळवली.
परंतु स्वीडनच्या मॅजा अश्कागने चौथ्या प्रयत्नात 6.60 मीटर उडी घेत शैलीला मागे टाकले. मॅजाची हीच उडी सुवर्णपदकाची दावेदार ठरली. युक्रेनच्या मारिया होरीलोव्हाने कांस्यपदक पटकावले.
एलिन जगातील दुसऱ्या क्रमांकाची वेगवान धावपटू :
ऑलिम्पिक विजेत्या एलिन थॉम्पसन-हेराहने शनिवारी युजिन डायमंड लीग अ‍ॅथलेटिक्समध्ये महिलांच्या 100 मीटर शर्यतीमधील दुसऱ्या क्रमांकाची सर्वोत्तम वेळ नोंदवली.
तर तिने ही शर्यत 10.54 सेकंदांत पूर्ण केली. सर्वोत्तम वेळेचा जागतिक विक्रम अमेरिकेच्या फ्लोरेन्स ग्रिफिथ-जॉयनरच्या नावावर आहे.
टोक्यो ऑलिम्पिकमध्ये 100 मीटर आणि 200 मीटरमध्ये सुवर्णपदके जिंकण्याची किमया साधणाऱ्या एलिन हिने शेली-अ‍ॅन फ्रेसर-प्रायसेला दोन-दशांश सेकंदांच्या फरकाने हरवून सर्वानाच धक्का दिला.
शेरिका जॅक्सनला तिसरा क्रमांक मिळवून या शर्यतीमधील जमैकाचे वर्चस्व सिद्ध केले.
दिनविशेष:
23 ऑगस्ट हा ‘आंतरराष्ट्रीय गुलामगिरी निर्मुलन दिन‘ आहे.
सन 1914 मध्ये पहिले महायुद्ध- जपानने जर्मनीविरुद्ध युद्ध पुकारले.
श्रेष्ठ कवी विंदा करंदीकर उर्फ गोविंद विनायक करंदीकर यांचा 23 ऑगस्ट 1918 रोजी धालगल सिंधुदुर्ग येथे जन्म झाला.
सन 1991 मध्ये 23 ऑगस्ट रोजी वर्ल्ड वाईड वेब सार्वजनिक उपयोगासाठी सुरु झाले.
कविवर्य विंदा करंदीकर यांना सन 2005 मध्ये ज्ञानपीठ पुरस्कार प्रदान झाला.
Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.
