Categories: Current Affairs (चालू घडामोडी)Education News

24 डिसेंबर 2022 चालू घडामोडी – Current Affairs

24 December 2022 Current Affairs In Marathi (Chalu Ghadamodi)

चालू घडामोडी (24 डिसेंबर 2022)

‘भारत बायोटेक’च्या ‘इंट्रानेजल कोविड’ लशीच्या वापरास मंजुरी :

जगभरात करोनाचा प्रभाव वाढत असताना लशीची वर्धक मात्रा घेण्याचे आवाहन केंद्र सरकारने केले आहे.
याला चालना देण्यासाठी नाकावाटे देण्यात येणाऱ्या पहिल्या लशीला मंजुरी देण्यात आली आहे.
‘भारत बायोटेक’च्या ‘इंट्रानेजल कोविड’ लशीच्या वापरास केंद्रीय आरोग्य मंत्रालयाने मान्यता दिली असून कोणत्याही लशीच्या दोन मात्रा घेतलेल्यांना वर्धक मात्रा म्हणून ही लस घेता येणार आहे.
भारत बायोटेकने तयार केलेल्या ‘इन्कोव्हॅक’ किंवा ‘बीबीव्ही 154’ लसीच्या वापरास मंजुरी देण्यात आली आहे.
‘को-विन’ संकेतस्थळ आणि अ‍ॅप्लिकेशनवर शुक्रवार संध्याकाळपासून या वर्धक मात्रेसाठी नोंदणी करता येणार आहे.
लस 18 वर्षांवरील व्यक्तींना वर्धक मात्रा म्हणून देण्यास भारताच्या औषध महानियंत्रकांनी (डीसीजीआय) नोव्हेंबरमध्येच मंजुरी दिली होती.

Must Read (नक्की वाचा):

चालू घडामोडी (23 डिसेंबर 2022)

‘वन रँक वन पेन्शन’ योजनेत सुधारणेचा सरकारचा निर्णय :

पंतप्रधान नरेंद्र मोदी यांच्या अध्यक्षतेखाली झालेल्या केंद्रीय मंत्रिमंडळाच्या बैठकीत सशस्त्र दलातील निवृत्त कर्मचारी आणि त्यांच्या कुटुंबीयांसाठीच्या ‘एक हुद्दा, एक निवृत्तीवेतन’ योजनेत सुधारणा करण्यास मंजुरी देण्यात आली आली
या निर्णयाचा लाभ सुमारे 25 लाख निवृत्त सैनिकांना होईल.
तसेच हा निर्णय पूर्वलक्ष्यी प्रभावाने, 1 जुलै 2019पासून लागू करण्यात येणार आहे.
शहिदांच्या पत्नींना आणि अपंग निवृत्तीवेतनधारकांसह कौटुंबिक निवृत्ती वेतनधारकांनाही या निर्णयाचा लाभ दिला जाईल.
थकबाकी चार सहामाही हप्त्यांमध्ये दिली जाईल.
तथापि, विशेष कौटुंबिक निवृत्तीवेतनधारक आणि शौर्य पुरस्कार विजेत्यांसह सर्व कौटुंबिक निवृत्ती वेतनधारकांना एका हप्तय़ात थकबाकी दिली जाईल, असेही मंत्रालयाने स्पष्ट केले आहे.

गरीबांना आणखी वर्षभर मोफत धान्य :

‘राष्ट्रीय अन्न सुरक्षितता कायद्या’अंतर्गत आणखी वर्षभर गरिबांना मोफत अन्नधान्य पुरवठा करण्याचा महत्त्वपूर्ण निर्णय केंद्र सरकारने शुक्रवारी घेतला.
त्याचा लाभ 81.35 कोटी गरीबांना होईल आणि त्यासाठी दोन लाख कोटी रुपये खर्च अपेक्षित आहे, असे केंद्रीय वाणीज्यमंत्री पियूष गोयल यांनी सांगितले.
परंतु त्याचा सर्व भार केंद्र सरकार उचलणार आहे.
अन्न सुरक्षितता कायद्यानुसार सध्या कुटुंबातील एका व्यक्तिमागे दोन ते तीन रुपये किलो दराने दरमहा पाच किलो धान्य वितरण करण्यात येते.
अंत्योदय अन्न योजनेतील लाभार्थी कुटुंबांना दरमहा 35 किलो अन्नधान्य मिळते.
येत्या 31 डिसेंबरला पंतप्रधान गरीब कल्याण अन्न योजना या मोफत धान्य पुरवठा योजनेची मुदत संपुष्टात येणार होती.

महेंद्रसिंग धोनीच्या ‘या’ मोठ्या विक्रमाशी केली बरोबरी :

भारत आणि बांगलादेश संघात दुसरा कसोटी सामना खेळला जात आहे.
या सामन्यात बांगलादेशने पहिल्या डावात 227 धावा केल्या होत्या.
त्यानंतर भारतीय संघाने आपल्या पहिल्या 314 धावा केल्या होत्या.
तत्पुर्वी ऋषभ पंतने आपले शतक हुकल्यानंतर, एमएस धोनीच्या एका मोठ्या विक्रमाची बरोबरी केली आहे.
ऑस्ट्रेलियाचा माजी क्रिकेटपटू अॅडम गिलख्रिस्टच्या नावावर कसोटी क्रिकेटमध्ये यष्टीरक्षक फलंदाज म्हणून, सर्वाधिक 90पेक्षा अधिक धावा करण्याचा विश्वविक्रम आहे.
भारताकडून महेंद्रसिंग धोनी या बाबतीत नंबर-1 होता. पण आता ऋषभ पंतने त्याची बरोबरी केली आहे.
बांगलादेशविरुद्ध 93 धावांवर बाद झाला.
पंत 11व्यांदा 90पेक्षा अधिक धावांवर बाद झाला आहे.
अॅडम गिलख्रिस्टने 20 वेळा अशी कामगिरी केली आहे. तसेच झिम्बाब्वेचा अँडी फ्लॉवर 12 वेळा अशी कामगिरी करून दुसऱ्या स्थानावर आहे.
पंत आणि धोनी दोघांनीही 11-11वेळा अशी कामगिरी केली आहे.

उमेश यादवने मोडला वर्ल्ड चॅम्पियन कॅप्टनचा विक्रम :

उमेश यादवने मिरपूर कसोटीत बांगलादेशविरुद्ध चार बळी घेतले.
भारतीय संघाचा हा वेगवान गोलंदाज टीम इंडियात नियमित खेळत नाही.
चार विकेट्सच्या जोरावर उमेशने कसोटी क्रिकेटच्या इतिहासात एक मोठा विक्रमही केला आहे.
वेगवान गोलंदाज म्हणून उमेश यादवने आशियाई खेळपट्ट्यांवर गोलंदाजी करण्याच्या बाबतीत, पाकिस्तानच्या विश्वचषक विजेत्या कर्णधाराला मागे टाकले आहे.
100 किंवा त्याहून अधिक विकेट्स घेणाऱ्या क्रिकेटर्सबद्दल बोलायचे झाले, तर उमेशने पाकिस्तानचा माजी कर्णधार इम्रान खानचाही विक्रम मागे टाकला आहे.
उमेश यादवचा टेस्ट स्ट्राइक रेट 48.5 आहे तर इम्रान 48.8 आणि वसीम 52.4सह तिसऱ्या स्थानावर आहे.

चेतेश्वर पुजाराने मोडला डॉन ब्रॅडमनचा विक्रम :

भारतीय कसोटी संघाची दुसरी भिंत म्हटल्या जाणाऱ्या चेतेश्वर पुजाराने एक मोठा विक्रम केला आहे.
त्याने क्रिकेटच्या सर्वात लांब फॉरमॅटमध्ये 7000 धावांचा टप्पा ओलांडला आहे.
पुजारा अशी कामगिरी करणारा भारतातील 8वा आणि जगातील 55वा खेळाडू ठरला आहे.
कसोटी क्रिकेटमध्ये सर्वाधिक धावा करण्याच्या बाबतीत पुजाराने सर डॉन ब्रॅडमन यांना मागे टाकले आहे.
ब्रॅडमन यांनी 52 कसोटी सामन्यांमध्ये 99.94 च्या अविश्वसनीय सरासरीने 6996 धावा केल्या होत्या.
बांगलादेशविरुद्ध 98वी कसोटी खेळत असलेल्या पुजाराने 44.88 च्या प्रभावी सरासरीने 7000 धावांचा टप्पा पार केला आहे.
भारताकडून सर्वाधिक कसोटी धावा सचिन तेंडुलकरच्या नावावर आहेत.
कसोटी क्रिकेटमध्ये सर्वाधिक धावा करण्याचा विश्वविक्रमही सचिनच्या नावावर आहे.
टीम इंडियाचा सध्याचा मुख्य प्रशिक्षक राहुल द्रविड दुसऱ्या क्रमांकावर आहे.

दिनविशेष:

सन 1777 मध्ये कॅप्टन जेम्स कूक यांनी प्रशांत महासागरातील किरितीमती बेटांचा शोध लावला.
स्वातंत्र्यसैनिक, इतिहासकार डॉ. भोगराजू पट्टाभी सीतारामय्या यांचा जन्म 24 डिसेंबर 1880 मध्ये झाला होता.
बालसाहित्यक, समाजवादी नेते, समाजसुधारक तसेच स्वातंत्र्यसैनिक ‘पाडुरंग सदाशिव साने‘ उर्फ साने गुरुजी यांचा जन्म 24 डिसेंबर सन 1899 रोजी झाला होता.
स्वातंत्र्यवीर सावरकर यांना 24 डिसेंबर सन 1910 रोजी जन्मठेपेची व काळ्यापाण्याची शिक्षा झाली होती.

Must Read (नक्की वाचा):

चालू घडामोडी (28 डिसेंबर 2022)

2 years ago

Dhanshri Patil

Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.