26 December 2021 Current Affairs In Marathi (Chalu Ghadamodi)
चालू घडामोडी (26 डिसेंबर 2021)
मुलांचे लसीकरण 3 जानेवारीपासून :
पंतप्रधान नरेंद्र मोदी यांनी 15 ते 18 वयोगटातील किशोरवयीन मुलांच्या लसीकरणाची घोषणा शनिवारी केली.
तसेच आरोग्य सेवेतील आणि आघाडीवरील कर्मचाऱ्यांबरोबरच 60 वर्षांवरील व्याधीग्रस्तांना वर्धक लसमात्रा (बूस्टर डोस) देण्याचेही मोदी यांनी जाहीर केले.
आरोग्य सेवा आणि आघाडीवरील कर्मचाऱ्यांसह 60 वर्षांवरील व्याधीग्रस्तांना त्यांच्या डॉक्टरांच्या सल्ल्यानुसार 10 जानेवारीपासून वर्धक लसमात्रा देण्यात येईल, असेही त्यांनी सांगितले.
तर देशात 18 लाख विलगीकरण खाटा, पाच लाख प्राणवायूयुक्त खाटा, एक लाख 40 हजार अतिदक्षता खाटा, मुलांसाठी 90 हजार खाटा आहेत, अशी माहिती पंतप्रधानांनी दिली.
तसेच देशात 3000 प्राणवायूनिर्मिती केंद्रे असून देशभर चार लाख प्राणवायू र्सिंलडरचे वितरण करण्यात आल्याचेही त्यांनी नमूद केले.
दरम्यान, भारतीय औषध महानियंत्रकांनी भारत बायोटेकच्या कोव्हॅक्सिन या लशीचा आपत्कालीन वापर 12 ते 18 वयोगटातील किशोरवयीनांना करण्यास मंजुरी शुक्रवारी दिल्याची माहिती केंद्रीय आरोग्य मंत्रालयाने दिली.
महाराष्ट्र, केरळ, तमिळनाडू, पश्चिम बंगाल, मिझोराम, कर्नाटक, बिहार, उत्तर प्रदेश, झारखंड आणि पंजाबमध्ये केंद्रीय पथके पाठवण्यात आल्याची माहिती केंद्रीय आरोग्य मंत्रालयाने दिली.
Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.