26 March 2022 Current Affairs In Marathi (Chalu Ghadamodi)
चालू घडामोडी (26 मार्च 2022)
योगी आदित्यनाथ यांचा मुख्यमंत्री पदाचा शपथविधी :
पंतप्रधान नरेंद्र मोदी आणि भाजपचे उच्चपदस्थ नेते यांच्या उपस्थितीत झालेल्या एका भव्य समारंभात योगी आदित्यनाथ यांनी शुक्रवारी उत्तर प्रदेशचे मुख्यमंत्री म्हणून दुसऱ्यांदा शपथ घेतली.
तर केशवप्रसाद मौर्य आणि ब्रजेश पाठक यांना उपमुख्यमंत्री पदाची शपथ देण्यात आली.
तसेच उत्तर प्रदेशच्या राज्यपाल आनंदीबेन पटेल यांनी आदित्यनाथ यांना शपथ दिली.
50 हजार लोक बसू शकण्याची व्यवस्था असलेल्या अटलबिहारी वाजपेयी एकना स्टेडियममध्ये शपथविधी समारंभ पार पडला.
सुरेश खन्ना, सूर्यप्रताप साही, स्वतंत्र देव सिंह, बेबी रानी मौर्य आणि आधी सनदी अधिकारी असलेले व नंतर राजकारणात आलेले ए.के. शर्मा यांना कॅबिनेट मंत्री म्हणून शपथ देण्यात आली.
‘सॅफ’ फुटबॉल स्पर्धात भारतीय कुमारी संघाला विजेतेपद :
भारताने अखेरच्या साखळी लढतीत शुक्रवारी बांगलादेशकडून 0-1 अशी हार पत्करली.
परंतु तरीही सरस गोलफरकाच्या आधारे कुमारी ‘सॅफ’ फुटबॉल स्पर्धेचे विजेतेपद पटकावले.
भारताने (11) बांगलादेश (3) संघापेक्षा सरस गोलफरक.
तर या स्पर्धेतील सर्वाधिक गोल नोंदवणाऱ्या खेळाडूंचा आणि सर्वात मौल्यवान खेळाडूचा पुरस्कार लिंडा कोमने पटकावले.
तर तिने एकूण पाच गोल झळकावले.
पुढील वर्षीपासून महिला ‘आयपीएल’:
भारतीय क्रिकेट नियामक मंडळाची (बीसीसीआय) पुढील वर्षीपासून महिलांच्या इंडियन प्रीमियर लीग (आयपीएल) क्रिकेटला प्रारंभ करण्याची योजना आहे, असे अध्यक्ष सौरव गांगुली यांनी शुक्रवारी सांगितले.
याचप्रमाणे एक वर्षांच्या विश्रांतीनंतर यंदा महिलांचे चार प्रदर्शनीय सामने होणार आहेत.
महिलांचे ‘आयपीएल’ सुरू करण्यात दिरंगाई केल्यामुळे टीका होत असलेल्या ‘बीसीसीआय’ला आता वार्षिक सर्वसाधारण सभेची मंजुरी घ्यावी लागणार आहे.
पुरुषांच्या ‘आयपीएल’चे साखळी सामने चालू असताना तीन महिला संघांमध्ये चार प्रदर्शनीय सामने खेळवण्यात येणार आहेत.
दिनविशेष :
26 जानेवारी 1552 मध्ये गुरु अमर दास शिखांचे तिसरे गुरु बनले.
इंदिरा नेहरू व फिरोज गांधी यांचा विवाह 26 जानेवारी 1942 मध्ये झाला.
26 जानेवारी 2013 मध्ये त्रिपुरा उच्च न्यायालयाची स्थापना.
Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.