Categories: Current Affairs (चालू घडामोडी)Education News

28 जानेवारी 2023 चालू घडामोडी – Current Affairs

28 January 2023 Current Affairs In Marathi (Chalu Ghadamodi)

चालू घडामोडी (28 जानेवारी 2023)

नमिबियानंतर आता दक्षिण आफ्रिकेतून भारतात येणार 100 चित्ते:

नामिबियानंतर आता दक्षिण आफ्रिकेतून 100 चित्ते भारतात आणण्यात येणार आहे.
यासंदर्भात भारत सरकार आणि दक्षिण आफ्रिका यांच्यात सामंजस्य करार करण्यात आला आहे.
गेल्या वर्षी नामिबियातून आठ चित्ते भारतात आणण्यात आले होते.
दक्षिण आफ्रिका आणि भारत सरकार यांच्यात 100 चित्ते भारतात आणण्यासंदर्भात सामंजस्य करार करण्यात आला आहे.
या करारानुसार दरवर्षी 10 ते 12 चित्ते भारतात पाठवले जाणार आहेत.
यापैकी पहिल्या 12 चित्यांची एक तुकडी 15 फ्रेब्रुवारी रोजी भारतात पोहोचेल.

Must Read (नक्की वाचा):

चालू घडामोडी (27 जानेवारी 2023)

नेपाळच्या पवित्र नदीतल्या शाळिग्राम शिळेत कोरले जाणार भगवान श्रीराम,जनकपूरवरून येणार धनुष्य:

अयोध्येत बनत असलेल्या भव्य राम मंदिर निर्मितीत भगवान श्रीरामांची सासरवाडी म्हणजेच नेपाळच्या जनकपूरमधील जानकी मंदिर मोठं योगदान देणार आहे.
श्रीरामांची मूर्ती बनवण्यासाठी नेपाळमधील कालिगंडकी नदीतल्या दोन मोठ्या शाळिग्राम शिळा अयोध्येत आणल्या जात आहेत.
नेपाळमधील कालिगंडकी नदीतून 350 ते 400 टन वजनाचा मोठ्या शाळिग्राम शिळा 31 जानेवारी रोजी अयोध्येत पाठवल्या जाणार आहेत.
जनकपूर येथे 30 जानेवारी रोजी या शिळांची चाचणी होणार आहे. त्यानंतर रस्त्याने हे दगड अयोध्येला रवाना होतील.

पृथ्वीभोवती फिरणारे उपग्रह थोडक्यात वाचले:

सध्याचे आपले गतीमान आयुष्य हे पृथ्वीभोवती फिरणाऱ्या कृत्रिम उपग्रहांवर अवलंबून आहे.
जर हे उपग्रह नसतील तर आपण थेट 1950च्या काळात मागे पोहचू, आपले दैनंदिन व्यवहार ठप्प होतील, विमानसेवा-दूरसंचार सेवा-टीव्हीचे विश्व अगदी ATM सेवाव अशा विविध गोष्टींवर त्याचा परिणाम थेट परिणाम होईल.
त्यामुळे या उपग्रहांचा अस्तित्वाशी आपला प्रत्यक्ष संबंध नसला तरी त्यांच्या सेवेवर आपले आयुष्य अवलंबून आहे.
2023 BU नावाचा एक लघुग्रह (Asteroid) हा पृथ्वीपासून अवघ्या तीन हजार 600 किलोमीटर अंतरावरुन भारतीय प्रमाण वेळेनुसार पहाटे तीनच्या सुमारास दक्षिण अमेरिकेच्या आकाशातून पृथ्वीला वळसा घालत पुढे निघून गेला.
या लघुग्रहाचा शोध हौशी खगोल अभ्यासक Gennadiy Borisov यांनी लावला होता.
अवकाशाचे निरिक्षण करत असतांना साधारण सहा दिवसांपूर्वीच हा लघुग्रह पृथ्वीच्या जवळ येतांना त्यांना आढळून आले.
एका लहान स्कुलबसच्या आकाराचा, साधारण चार ते आठ मीटर अशा ओबडधोबड आकाराचा हा लघुग्रह पृथ्वीच्या कक्षेशी समांतर साधारण 400 दिवसांत सूर्याभोवती एक प्रदक्षिणा पूर्ण करत असल्याची माहिती समोर आली आहे.
आता या लघुग्रहाने पृथ्वीला वळसा जरी घातला असता तरी यापुढच्या काळातही हा लघुग्रह पृथ्वीजवळून जाणार असल्याचं स्पष्ट झालं आहे.

महाराष्ट्राच्या 4 तरुणांचा लंडनमध्ये सत्कार:

स्वातंत्र्याच्या अमृतमहोत्सवी वर्षानिमित्त वेगवेगळ्या क्षेत्रात प्रभावशाली काम करणाऱ्या देशातील प्रतिभावान 75 युवकांचा लंडनमध्ये सन्मान करण्यात आला.
ब्रिटिश कौन्सिल व नेशनल इंडियन स्टुडंट अँड अलूमनी युनियनच्या माध्यमातून हा सत्कार करण्यात आला.
यामध्ये प्रविण निकम, चैतन्य मारपकवार, राजू केंद्रे, विवेक गुरव यांच्यासह महाराष्ट्रातील चार तरुणांचा समावेश आहे.

टी20 तसेच वन डे क्रमवारीत टीम इंडिया नंबर-1:

मंगळवारी इंदोर मध्ये न्यूझीलंडविरुद्धच्या वनडे सामन्यात विजय मिळवल्यानंतर टीम इंडियाने एक नवा विक्रमही केला.
भारतीय संघ आता एकदिवसीय क्रमवारीत नंबर-1 बनला आहे, तो टी20 क्रमवारीत आधीच नंबर-1 होता.
या तीन सामन्यांच्या मालिकेच्या सुरुवातीला न्यूझीलंड क्रमवारीत अव्वल स्थानावर होता.
न्यूझीलंड 111 रेटिंग गुणांसह चौथ्या क्रमांकावर पोहोचला आहे.

2023च्या महिला टी20 विश्वचषकात पंच आणि सामनाधिकारी म्हणून महिलांना स्थान:

आयसीसी जागतिक स्पर्धांच्या इतिहासात प्रथमच, दक्षिण आफ्रिकेत आगामी आयसीसी महिला टी20 विश्वचषक 2023 साठी सर्व महिला सामनाधिकार्‍यांच्या पॅनेलची घोषणा करण्यात आली आहे.
क्रिकेटमध्ये महिलांचा सहभाग आणि सामने पाहण्याच्या टक्केवारीत लक्षणीय वाढ होण्याच्या आयसीसीच्या धोरणात्मक महत्त्वाकांक्षेचा एक भाग म्हणून पुढील महिन्यात दक्षिण आफ्रिकेत होणाऱ्या प्रमुख स्पर्धेसाठी महिला 3
सामनाधिकारी आणि 10 पंच काम पाहतील.
आगामी वरिष्ठ महिला टी20 विश्वचषकात 13 महिला सामना अधिकारी असतील.
ही आकडेवारी सध्या चालू असलेल्या आयसीसी अंडर-19 महिला टी20 विश्वचषकातील नऊ महिला अधिकार्‍यांचा विक्रम मोडेल.

दिनविशेष:

स्वातंत्र्यसेनानी पंजाब केसरी तथा लाला लजपतराय यांचा जन्म 28 जानेवारी 1865 मध्ये झाला होता.
स्वतंत्र भारताचे पहिले लष्करप्रमुख फील्डमार्शल के. एम. करिअप्पा यांचा जन्म 28 जानेवारी 1899 मध्ये झाला होता.
शास्त्रज्ञ, अणुऊर्जा आयोगाचे 4थे अध्यक्ष डॉ. राजा रामण्णा यांचा जन्म 28 जानेवारी 1925 मध्ये झाला होता.
एच.एम.टी. वॉच फॅक्टरी हा भारतातील पहिला घड्याळांचा कारखाना सन 1961 मध्ये बंगलोर येथे सुरू झाला.
सन 1977 मध्ये मिर्झा हमीदुल्ला बेग यांनी भारताचे 15वे सरन्यायाधीश म्हणुन कार्यभार सांभाळला होता.

Must Read (नक्की वाचा):

चालू घडामोडी (1 फेब्रुवारी 2023)

2 years ago

Dhanshri Patil

Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.