30 June 2020 Current Affairs In Marathi (Chalu Ghadamodi)
नितीन मेनन यांनी आंतरराष्ट्रीय क्रिकेट परिषदेवरील मुख्य पंचांमध्ये स्थान मिळवले:
30 June 2020 Current Affairs In Marathi (Chalu Ghadamodi)
चालू घडामोडी (30 जून 2020)
6 राफेल लढाऊ जेट विमानांची पहिली तुकडी भारतात:
सहा राफेल लढाऊ जेट विमानांची पहिली तुकडी भारताला 27 जुलैपर्यंत मिळण्याची शक्यता असून, यामुळे भारतीय हवाई दलाची लढाऊ क्षमता अधिक उंचावण्याची अपेक्षा आहे.
फ्रान्समधील करोना महासाथीचा परिणाम न होता राफेल जेट विमाने ठरलेल्या वेळापत्रकानुसार भारताला दिली जातील.
संरक्षण मंत्री राजनाथ सिंह यांनी 2 जूनला त्यांच्या फ्रान्सच्या समपदस्थ फ्लोरेन्स पार्ली यांच्याशी दूरध्वनीवरून संवाद साधला.
या विमानाची पहिली स्क्वाड्रन हवाई दलाच्या सामरिकदृष्टय़ा महत्त्वाच्या मानल्या गेलेल्या तळांपैकी अंबाला हवाई दल स्थानकात तैनात केली जाईल.
सुरक्षित सुविधा भारतातील फोनवर देण्यास सुरुवात-अ‍ॅपल व गुगल:
वापरकर्त्यांच्या व्यक्तिगततेला धक्का न लावता कोविड रुग्णाच्या संपर्कातील व्यक्ती शोधण्याची सोय अ‍ॅपल व गुगल या प्रतिस्पर्धी कंपन्यांनी आरोग्य संकटाच्या काळात एकत्र येऊन करून दिली आहे.
त्यात ‘एक्स्पोजर नोटिफिकेशन सोल्यूशन’ नावाची आज्ञावली म्हणजे सॉफ्टवेअर विकसित करण्यात आले आहे.
भारतात अँड्राइड व आयफोनवर ही सुविधा उपलब्ध करण्यास गेल्या महिन्यापासून सुरुवात झाली आहे.
ही सुविधा ‘एपीआय’ म्हणजे ‘अ‍ॅप्लीकेशन प्रोग्रॅम इंटरफेस’ असून त्यामुळे आरोग्य संस्था व सरकार यांना विश्वासार्ह पद्धतीने संपर्क व्यक्तींचा शोध घेता येऊ शकतो.
भारतातील आरोग्य सेतू हे उपयोजन या ‘एक्स्पोजर नोटिफिकेशन’ सुविधेला सुसंगत किंवा अनुकूल नसल्याने त्याचा वापर भारतात कठीण आहे.
आरोग्यसेतू उपयोजनात व्यक्तीची जास्तीत जास्त माहिती गोळा केली जाते त्यामुळे त्यात व्यक्तिगततेचा भंग होतो त्यामुळे सरतेशेवटी सरकारने या उपयोजनाची (अ‍ॅप्लीकेशन) सक्ती बंद केली होती.
‘एक्स्पोजर नोटिफिकेशन’ सुविधा केवळ सार्वजनिक आरोग्य अधिकारी वापरत असलेल्या उपयोजनास लागू करता येते.
कोरोनाच्या रुग्णांवर उपचार करण्यासाठी प्लाझ्मा थेरपीचा वापर:
कोरोनाच्या रुग्णांवर उपचार करण्यासाठी प्लाझ्मा थेरपीचा वापर व्यापक प्रमाणात होण्यासाठी महाराष्ट्रात जगातील सर्वात मोठी प्लाझ्मा थेरपी ट्रायल केली जात आहे.
त्यामुळे आता कोरोनामुक्त झालेल्या रुग्णांनी अन्य रुग्णांच्या उपचारासाठी प्लाझ्मा दान कराने, असे आवाहन मुख्यमंत्री उद्धव ठाकरे यांनी केले आहे.
राज्यातील 23 वैद्यकीय महाविद्यालयात प्लाझ्मा थेरपी सुविधा करण्यात आली आहे.
नागपूर येथील शासकीय महाविद्यालयात प्लाटिना प्रोजेक्ट प्लाझ्मा थेरपी ट्रायल केंद्राचे डिजिटल उद्घाटन मुख्यमंत्र्यांच्या हस्ते झाले.
हा संकलित केलेला प्लाझ्मा वैद्यकीय महाविद्यालयात पुरविला जाईल.प्लाझ्मा थेरपी उपचार यशस्वीता दर हा 90 टक्के आहे, असे आरोग्य मंत्री राजेश टोपे यांनी सांगितले.
भारत व चीन यांच्या लष्करांमध्ये चर्चेची आणखी आज तिसरी फेरी:
पूर्व लडाख भागातील तणाव कमी करण्याचा, तसेच या संवेदनशील भागातून फौजा परत घेण्याची कार्यपद्धती निश्चित करण्याचा प्रयत्न म्हणून भारत व चीन यांच्या लष्करांमध्ये चर्चेची आणखी एक फेरी होणार असल्याची माहिती सरकारच्या सूत्रांनी दिली.
लेफ्टनंट जनरल स्तरावर होणाऱ्या चर्चेची ही तिसरी फेरी राहणार असून, प्रत्यक्ष ताबा रेषेच्या भारतीय हद्दीतील चुशुल सेक्टरमध्ये ती सकाळी साडेदहा वाजता होईल.
पहिल्या दोन फेऱ्या ताबारेषेच्या चीनकडील बाजूच्या मोल्डो येथे झाल्या होत्या.
22 जूनला झालेल्या चर्चेच्या दुसऱ्या फेरीत दोन्ही बाजूंची पूर्व लडाखमधील संघर्षांच्या सर्व ठिकाणांवरून फौजा माघीर घेण्याबाबत ‘परस्पर सहमती’ झाली होती.
त्यापूर्वी 6 जूनच्या पहिल्या फेरीत दोन्ही बाजूंमध्ये झालेल्या कराराच्या अंमलबजावणीबाबत दोन्ही बाजू मंगळवारी चर्चा करणे अपेक्षित असल्याचेही सूत्रांनी सांगितले.
भारतीय प्रतिनिधी मंडळाचे नेतृत्व 14 कॉर्प्सचे कमांडर लेफ्टनंट जनरल हरिंदरसिंग हे करणार असून, चिनी बाजूचे नेतृत्व तिबेट लष्करी जिल्ह्य़ाचे कमांडर करण्याची शक्यता आहे.
59 अ‍ॅपवर बंदी केंद्र सरकारने जाहीर केले:
लडाख सीमेवरील धुमश्चक्रीनंतर भारत-चीन यांच्यात निर्माण झालेल्या तणावाच्या पार्श्वभूमीवर केंद्र सरकारने सोमवारी टिकटॉक, शेअरइट, ब्युटी प्लस या लोकप्रिय चिनी अ‍ॅपसह एकूण 59 अ‍ॅपवर बंदी घातली.
वापरकर्त्यांची माहितीचोरी, तिचा गैरवापर, राष्ट्रीय सुरक्षेला धोका आणि नागरिकांची मागणी यांच्या आधारे बंदी घालण्यात आल्याचे माहिती तंत्रज्ञान खात्याने निवेदनाद्वारे स्पष्ट केले.
माहिती तंत्रज्ञान कायद्याच्या कलम ‘69अ’ मधील तरतुदींचा आधार घेत 59 अ‍ॅपवर बंदी आणण्यात आल्याचे केंद्र सरकारने जाहीर केले.
नितीन मेनन यांनी आंतरराष्ट्रीय क्रिकेट परिषदेवरील मुख्य पंचांमध्ये स्थान मिळवले:
भारताचे नितीन मेनन यांनी आंतरराष्ट्रीय क्रिकेट परिषदेवरील (आयसीसी) मुख्य पंचांमध्ये स्थान मिळवले आहे.
मेनन हे ‘एलिट’ पंचांमध्ये स्थान मिळवणारे सर्वात तरुण पंच ठरले आहेत. आगामी 2020-21 हंगामासाठी इंग्लंडच्या नायजेल लाँग यांच्या जागी मेनन यांची निवड झाली आहे.
36 वर्षीय मेनन यांनी तीन कसोटी, 24 एकदिवसीय आणि 16 ट्वेन्टी-20 लढतींमध्ये पंच म्हणून जबाबदारी सांभाळली आहे.
‘आयसीसी’च्या मुख्य पंचांमध्ये स्थान मिळवणारे मेनन हे श्रीनिवास वेंकटराघवन आणि सुंदराम रवी यांच्यानंतर भारताचे तिसरे पंच आहेत.
‘‘आयसीसीच्या जगातील मुख्य पंच आणि सामनाधिकाऱ्यांमध्ये स्थान मिळवावे, हे सुरुवातीपासून स्वप्न होते. अजूनही विश्वास बसत नाही,’’ असे मेनन यांनी सांगितले.
भारत बायोटेकनं करोनावरील लस COVAXIN तयार केल्याची सोमवारी घोषणा केली:
करोनावरील लस विकसित करणाऱ्या देशांमध्ये भारतदेखील आघाडीवर आहे.
भारत बायोटेकनं करोनावरील लस COVAXIN तयार केल्याची सोमवारी घोषणा केली.
आयसीएमआर आणि नॅशनल इन्स्टिट्यूट ऑफ विरोलॉजी (एनआयव्ही) यांच्यासोबत मिळून त्यांनी यशस्वीरित्या भारतातील पहिली करोना लस तयार केली आहे.
जुलै महिन्यापासून या लसीची मानवी चाचणी सुरू केली जाणार असल्याची माहिती भारच बायोटेककडून देण्यात आली.
“एसएआरएस-सीओव्ही -2 स्ट्रेनला पुण्यातील एनआयव्हीमध्ये वेगळो करण्यात आले आणि नंतर भारत बायोटेककडे वर्ग करण्यात आले.
हैदराबादच्या जिनोम व्हॅलीमध्ये असलेल्या भारत बायोटेकच्या बीएसएल -3 (बायो-सेफ्टी लेव्हल 3) हाय कन्टेंनमेंट फॅसिलिटीमध्येही लस विकसित करण्यात आली,” असं कंपनीनं निवेदनात म्हटलं आहे.
ड्रग कंट्रोलर जनरल ऑफ इंडिया, सेंट्रल ड्रग्स स्टँडर्ड कंट्रोल ऑर्गनायझेशन (सीडीएससीओ), आरोग्य व कुटुंब कल्याण मंत्रालयानं फेज 1 आणि फेज 2 मानवी वैद्यकीय चाचण्या सुरू करण्यास परवानगी दिली आहे.
दिनविशेष :
30 जून हा दिवस आंतरराष्ट्रीय लघुग्रह दिन आहे.
भारतीय रसायनशास्त्रज्ञ ‘चिंतामणी नागेश रामचंद्र राव‘ यांचा जन्म 30 जून 1934 मध्ये झाला.
जगातील पहिला तत्काळ दूरध्वनी क्रमांक999 हा सन 1937 मध्ये लंडनमध्ये सुरु करण्यात आला.
सन 1965 मध्ये भारत पाकिस्तानमध्ये कच्छचा करार झाला.
केंद्रसरकार मिझो नॅशनल फ्रंट यांच्यात करार होऊन सन 1986 मध्ये मिझोरामला राज्याचा दर्जा देण्याचे ठरले.
Vaishnavi Jadhav is a copywriter and content writer who specializes in the latest educational happenings. She completed her master's degree and looking to expand her skills here at MPSC World.