30 March 2019 Current Affairs In Marathi (Chalu Ghadamodi)

चालू घडामोडी (30 मार्च 2019)

‘रेल विकास निगम लिमिटेड’ आयपीओला सुरुवात:

रेल विकास निगम लिमिटेड (आरव्हीएनएल) या मिनिरत्न श्रेणीतील कंपनीची प्राथमिक समभाग विक्री (आयपीओ) 29 मार्च पासून सुरु झाली आहे.
आयपीओसाठी 3 एप्रिलपर्यंत अर्ज करता येणार आहे. 10 दर्शनी मूल्याच्या प्रत्येक शेअरसाठी कंपनीने प्रतिशेअर 17 ते 19 रुपयांचा किंमतपट्टा शेअर केला आहे.
शिवाय किरकोळ गुंतवणूकदारांना आणि पात्र कर्मचाऱ्यांना प्रतिशेअर 0.50 पैशांची सवलत देण्यात येणार आहे. रेल विकास निगम ही सार्वजनिक क्षेत्रातील कंपनी असून रेल्वे मंत्रालयच्या अंतर्गत काम करते.
आयपीओच्या माध्यमातून 25 कोटी 34 लाख 57 हजार 280 शेअरची विक्री करण्यात येणार आहे. गुंतवणूकदारांना किमान 780 शेअरसाठी आणि त्यानंतर 780 च्या पटीत अर्ज करणे आवश्यक आहे.
आरव्हीएनएल सर्व प्रकारच्या रेल्वे प्रकल्पांना कार्यान्वित करण्याचे महत्त्वाचे काम करते. त्यामध्ये रेल्वेचे नवीन रूळ टाकणे (नवीन मार्गांची निर्मिती), रेल्वे विद्युतीकरण, मेट्रो प्रकल्प, रेल्वेशी संबंधित मोठे पूल बांधणे, केबल बांधण्याचे पुल, रेल्वेशी संबंधित संस्थांच्या इमारती इत्यादींचा समावेश आहे. डिसेंबर 2018 पर्यंत आरव्हीएनएलकडे 77 हजार 504 कोटी रुपयांची ऑर्डर बुक होती.

Must Read (नक्की वाचा):

चालू घडामोडी (29 मार्च 2019)

लवकरच कौन बनेगा करोडपतीचा 11वा पर्व येणार:

बरेच चित्रपट किंवा टेलिव्हिजन शो हे त्यांच्या अनोख्या शैलीमुळे चर्चेत असतात. असाच एक कार्यक्रम म्हणजे ‘कौन बनेगा करोडपती‘. बऱ्याच वर्षांपासून या कार्यक्रमाने सर्वसामान्य व्यक्तींना करोडपती होण्याची संधी दिली.
आतापर्यंत या शोचे 10 पर्व झाले असून लवकरच 11 वा पर्वही प्रेक्षकांच्या भेटीला येणार आहे. सध्या या नव्या पर्वाच्या तयारीला सुरुवात झाली असून अभिनेता अमिताभ बच्चन यांनी ट्विटरवर याविषयीची माहिती दिली आहे.
दरवेळी प्रमाणे या नव्या पर्वाच्या सूत्रसंचालनाची धुरादेखील अमिताभ बच्चन यांनी स्वीकारली आहे. त्यामुळे केबीसीच्या मंचावर पुन्हा एकदा त्यांचा भारदस्त आवाज ऐकायला मिळणार आहे.
“आदर आदाब अभिनंदन आभार! मैं अमिताभ बच्चन प्रस्तुत करने जा रहा हूँ, इस वर्ष 2019 का नया अभियान… कौन बनेगा करोड़पति… KBC!! बहुत जल्द आपके घरों में!!” असं कॅप्शन देत काही फोटो अमिताभ यांनी ट्विटरवर शेअर केले आहेत. याचाच अर्थ कौन बनेगा करोडपती लवकरच प्रेक्षकांच्या भेटीला येणार आहे.

सुरक्षा परिषदेत भारताची पाकवर टीका:

अतिरेक्यांचे समर्थन करणारे देश आपल्या कारवाईला आणि निष्क्रियतेला योग्य ठरवीत दहशतवाद्यांना आश्रय देत राहतील आणि काही सबबी सांगत राहतील, अशा शब्दांत भारतानेपाकिस्तानवर टीका केली आहे.
संयुक्त राष्ट्रांकडून प्रतिबंधित अतिरेकी आणि संस्थांविरुद्ध निर्बंध सक्तीने लागू करण्याचे आवाहनही भारताने सुरक्षा परिषदेकडे केले आहे. संयुक्त राष्ट्रांतील भारताचे स्थायी प्रतिनिधी सय्यद अकबरुद्दीन यांनी यावेळी पाकिस्तानवर अप्रत्यक्ष टीकाही केली.
सुरक्षा परिषदेने 28 मार्च रोजी सर्वसहमतीने एक प्रस्ताव स्वीकार केला आहे. यात सदस्य देशांना अतिरेकी कार्यासाठी अर्थसाहाय्य रोखण्यासाठी प्रयत्न वाढविण्याबाबत सांगण्यात आले आहे.
भारताने याबाबतचा प्रस्ताव स्वीकार केल्याच्या कृतीचे स्वागत करताना म्हटले आहे की, दहशतवादाविरुद्धच्या प्रयत्नात हा मैलाचा दगड ठरेल. संयुक्त राष्ट्रांतील भारताचे स्थायी प्रतिनिधी सय्यद अकबरुद्दीन यांनी याबाबतच्या खुल्या चर्चेत भाग घेताना म्हटले आहे की, दहशतवाद्यांची आर्थिक रसद रोखण्यासाठी प्रयत्न करण्याच्या प्रस्तावाचे भारत स्वागत करीत आहे.
भारताने पाकिस्तानचा अप्रत्यक्ष उल्लेख करीत म्हटले आहे की, दुर्दैवाने वस्तुस्थिती ही आहे की, दहशतवाद्यांचे समर्थन करणारे देश आपली कारवाई आणि निष्क्रियता योग्य ठरविण्यासाठी दहशतवाद्यांना आश्रय देत राहतील.
संयुक्त राष्ट्रातील पाकिस्तानच्या राजदूत मलिहा लोधी यांनी यावेळी मत व्यक्त करीत जम्मू-काश्मीरचा उल्लेख केला.

अर्जेंटिनाच्या ईग्वेनची निवृत्ती जाहीर:

अर्जेटिनाचा आक्रमक गोन्सालो ईग्वेनने आंतरराष्ट्रीय फुटबॉलमधून निवृत्ती जाहीर केली. मी खेळाला देऊ शकत होतो ते सारे काही दिले, अशा शब्दांत त्याने भावना व्यक्त केल्या.
देशाकडून निवृत्ती स्वीकारल्यानंतर मी माझ्या चेल्सी क्लबला आणि कुटुंबाला अधिक वेळ देऊ शकणार असल्याचे ईग्वेनने सांगितले.
2014चा विश्वचषक तसेच 2015 आणि 2016चे कोपा अमेरिकाच्या अंतिम फेरीपर्यंत अर्जेटिनाला पोहोचवण्यात त्याचे योगदान महत्त्वाचे होते. मात्र तरीदेखील संघाला विजेतेपद मिळवून देण्यात अपयशी ठरल्याबाबत त्याच्यावर टीका झाली होती.

दिनविशेष:

थोरले बाजीराव पेशवे यांनी 1729 यावर्षी जैतपूर येथे महंमदशहा बंगश याचा पराभव केला.
डच चित्रकार व्हिंसेंट व्हॅन गॉग यांचा जन्म 30 मार्च 1853 मध्ये झाला होता.
भारतीय भूदलाचे सहावे सरसेनापती ‘जनरल कोडेन्डेरा सुबय्या‘ तथा के.एस. थीमय्या यांचा जन्म 30 मार्च 1906 मध्ये झाला.
सन 1929 मध्ये भारत व इंग्लंडदरम्यान हवाई टपालसेवा सुरू झाली.
वर्ल्ड इकॉनॉमिक फोरम चे स्थापक ‘क्लाउस स्च्वाब‘ यांचा जन्म 30 मार्च 1938 रोजी झाला.

चालू घडामोडी PDF स्वरुपात मिळविण्यासाठी येथे क्लिक करा

Must Read (नक्की वाचा):

चालू घडामोडी (1 एप्रिल 2019)

6 years ago

Sonali Borade

With Sonali's thorough backing of education in online journalism and a strong affinity to foster proper guidance, she is looking forward to engaging readers on smart education subjects. She covers articles related to all upcoming exam schedules and is much sought after due to his crisp style of writing. Sonali strongly believes that education is the future and evokes this interest in the readers.