5 August 2021 Current Affairs In Marathi (Chalu Ghadamodi)
चालू घडामोडी (5 ऑगस्ट 2021)
संपूर्ण भारतीय बनावटीची INS Vikrant खोल समुद्रातील चाचण्यांसाठी रवाना :
स्वदेशी बनावटीची पहिली विमानवाहू युद्धनौका‘आयएनएस विक्रांत’ही नौदलाच्या सेवेत दाखल होण्यासाठी सज्ज होत आहे.
तसेच खोल समुद्रातील चाचण्यांकरता आज ‘विक्रांत’ कोची बंदरातून रवाना झाली.
तर या चाचण्या यशस्वी झाल्या तर लवकरच 40 हजार टन वजनाची ‘आयएनएस विक्रांत’नौदलात दाखल होईल.
2009 साली ‘आयएनएस विक्रांत’च्या बांधणीला कोचीमध्ये सुरुवात झाली. 2014 साली तिचे जलावतरण झाले.
तसेच विक्रांतच्या प्राथमिक चाचण्या या कोची बंदराजवळ नुकत्याच पूर्ण झाल्या होत्या. आता पुढील काही आठवडे ‘आयएनएस विक्रांत’च्या खोल समुद्रात सखोल चाचण्या घेतल्या जातील.
तसेच यामध्ये विमानवाहू युद्धनौकेची कार्यक्षमता तपासली जाईल, सर्व उपकरणांच्या चाचण्या घेतल्या जातील तसेच युद्धनौकेवरून लढाऊ विमान आणि विविध हेलिकॉप्टर यांची पूर्ण क्षमतेने उड्डाणे होतील.
तर स्वबळावर विमानवाहू युद्धनौका बांधण्याचे तंत्रज्ञान जगात फक्त मोजक्या देशांकडे आहे, यामध्ये आता भारतही दाखल होणार आहे.
सध्या भारताकडे ‘आयएनएस विक्रमादित्य’ ही एकमेव विमानवाहू युद्धनौका आहे. ‘विक्रमादित्य’ ही रशियाकडून नूतनीकरण करत आपण विकत घेतली आहे.
तसेच याआधी ‘आयएनएस विक्रांत’ आणि ‘आयएनएस विराट’ या विमानवाहू युद्धनौका इंग्लंडकडून घेतल्या होत्या, ज्या आता नौदलाच्या सेवेतून निवृत्त झाल्या आहेत.
तर जगज्जेत्या बुसेनाझने आसामच्या 23 वर्षीय लवलिनाचा उपांत्य लढतीत 5-0 असा फडशा पाडला.
परंतु बॉक्सिंगमध्ये उपांत्य फेरीत पराभूत होणाऱ्या दोन्ही खेळाडूंना कांस्यपदक बहाल करण्यात येते. त्यामुळे लवलिनाने टोक्यो ऑलिम्पिकमध्ये भारताच्या खात्यात दुसरे कांस्य आणि एकूण तिसऱ्या पदकाची नोंद केली.
बॉक्सिंगमध्ये पदक जिंकणारी ती भारताची तिसरी खेळाडू ठरली.
अ‍ॅथलेटिक्स मध्ये पहिल्याच प्रयत्नात नीरज अंतिम फेरीत :
पदकाचा दावेदार मानला जाणारा नीरज चोप्रा ऑलिम्पिकमध्ये भालाफेक प्रकाराची अंतिम फेरी गाठणारा पहिला भारतीय क्रीडापटू ठरला आहे.
तर बुधवारी पहिल्याच प्रयत्नात 86.65 मीटर अंतरावर भाला फेकून पात्रता फेरीतील अव्वल स्थानासह त्याने हे यश मिळवले आहे.
भालाफेक प्रकारात 83.50 मीटर हे अंतिम फेरीच्या पात्रतेचे निकष ठरवण्यात आले होते.
अर्जेंटिनाची भारतावर मात :
भारतीय महिला हॉकी संघाने उपांत्य फेरी गाठत टोक्यो ऑलिम्पिकमध्ये इतिहास रचला. पण त्यांचा प्रवास अर्जेंटिनाने रोखला.
तर अटीतटीच्या झालेल्या लढतीत अर्जेंटिनाने भारताला 2-1 असे पराभूत करत फायनलमध्ये धडक दिली.
अर्जेंटिनाची कर्णधार मारिओ नोएल बारिनोवोने दोन गोल करत संघाच्या विजयाचा पाया रचला.
तर भारताकडून ड्रॅग-फ्लिकर गुरजीत कौरने गोल केला.
भारताच्या 18 सदस्यीय महिला संघाने सोमवारी तीन वेळच्या चॅम्पियन ऑस्ट्रेलियाचा 1-0 असा पराभव करत प्रथमच ऑलिम्पिकच्या उपांत्य फेरीत प्रवेश केला होता.
फ्रीस्टाईल कुस्ती प्रकारात रवीकुमारचा दहीयाचा अंतिम फेरीत प्रवेश :
टोक्यो ऑलिम्पिकमध्ये फ्रीस्टाईल कुस्ती प्रकारामध्ये 57 किलो वजनी गटामध्ये भारताचा कुस्तीपटू रवीकुमार दहीया यानं अंतिम फेरीत प्रवेश केला आहे.
तर त्यानं कझाकिस्तानचा कुस्तीपटू नुरीस्लॅम सनयेव याचा पराभव त्याने केला आहे. त्यामुळे भारताचं यंदाच्या ऑलिम्पिकमधलं चौथं पदक निश्चित झालं आहे.
तसेच सुरुवातीला 5-9 अशा पिछाडीवर पडलेल्या रवीकुमारनं तीन महत्त्वाचे गुण कमावले. त्यामुळे रवीकुमारचा अंतिम फेरीत झोकात प्रवेश झाला आहे.
ऑलिम्पिक स्पर्धेमध्ये भारतासाठी मेडल जिंकणारा रवी कुमार दहीया पाचवा कुस्तीपटू ठरला आहे.
तर याआधी के. डी. जाधव, सुशील कुमार, योगेश्वर दत्त आणि साक्षी मलिक या चार खेळाडूंनी भारतासाठी मेडल जिंकण्याची कमाल केली होती.
दिनविशेष :
5 ऑगस्ट 1914ओहायो मध्ये पहिले इलेक्ट्रिक ट्रॅफिक सिगनल बसवले.
नेल्सन मंडेला यांना 5 ऑगस्ट 1962 मध्ये तुरुंगात टाकण्यात आले.
5 ऑगस्ट 1962 मध्ये कन्या नक्षत्रात पहिल्या क्‍वासार तार्‍याचं अस्तित्त्व सिद्ध करण्यात यश.
चंद्रावर पाऊल ठेवलेला पहिला मानव नील आर्मस्ट्राँग यांचा 5 ऑगस्ट 1930 मध्ये जन्म झाला.
Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.
