5 September 2019 Current Affairs In Marathi (Chalu Ghadamodi)

चालू घडामोडी (5 सप्टेंबर 2019)

होमलोन होणार स्वस्त :

रिझर्व्ह बँक ऑफ इंडियाने सर्व बँकांना सर्व प्रकारची कर्ज येत्या एक ऑक्टोबरपासून रेपो रेटशी जोडण्याचे आदेश दिले आहेत.
तर यामुळे गृह, वाहन कर्जदार तसेच लघूउद्योगांना स्वस्तातील कर्जे उपलब्ध होणार आहेत. परिणामी, कर्जांवर मनमानी व्याजदार आकारणाऱ्या बँकांना चाप बसणार आहे. प्रमुख व्याजदरात वेळोवेळी कपात होऊनही त्याचा लाभ प्रत्यक्ष ग्राहकांपर्यंत पोहोचवण्यात आखडता हात घेणाऱ्या बँकांवर अखेर रिझव्‍‌र्ह बँकेने आता सक्तीचा बडगा उगारला आहे.
तसेच यापूर्वी अनेकदा रिझर्व्ह बँकेने रेपो दर कमी करूनही व्यापारी बँकांनी मात्र त्या प्रमाणात कर्ज व्याजदर कमी केले नाहीत. स्टेट बँकेसारख्या निवडक काही बँकांनीच आतापर्यंत रेपो दराशी निगडित कर्ज व्याजदर सुविधा दिली आहे.
रिझव्‍‌र्ह बँकेने रेपो दर अनेकदा कमी करूनही व्यापारी बँका मात्र त्या प्रमाणात कर्ज व्याजदर कमी करत नाही, अशी खंत खुद्द गव्हर्नर शक्तिकांत दास यांनी यापूर्वी अनेकदा व्यक्त केली होती. 1 एप्रिलपासून बँकांनी रेपो संलंग्न दर करण्याबाबत आवाहनही करण्यात आले होते. अखेर आता त्याबाबत सक्ती करण्यात आली आहे.

Must Read (नक्की वाचा):

चालू घडामोडी (4 सप्टेंबर 2019)

शिक्षकांचा आदर राखण्यात भारत आठव्या स्थानी :

शिक्षक म्हटले की समाजातील प्रत्येकाच्याच आयुष्यात महत्त्वाचे स्थान असणारी विशेष व्यक्ती आणि शिक्षकी व्यवसाय म्हणजे सन्मान आणि आदर असलेले क्षेत्र. ग्लोबल टीचर्स स्टेटस इंडेक्स 2018 च्या अहवालानुसार शिक्षकांना आदर देण्याच्या बाबतीत भारत आठव्या स्थानी आहे.
तर चीन आणि मलेशिया हे देश अनुक्रमे पहिल्या आणि दुसऱ्या क्रमांकावर असून शिक्षकी पेशाला डॉक्टरांच्या व्यवसायाइतकाच मान दिला जात असल्याचे स्पष्ट करण्यात आले आहे.
तसेच फिनलंड सारख्या देशांत या क्षेत्राला सामाजिक कार्याप्रमाणेच महत्त्व दिले जाते. जगातील 35 देशांतील सामान्य नागरिक आणि शिक्षणतज्ज्ञ यांना विचारण्यात आलेल्या प्रश्नावली आणि त्यावर आधारित अहवालांवरून हे निष्कर्ष समोर आले आहेत.
समाजातील इतर व्यवसायांशी तुलना करताना शिक्षकी पेशाकडे कसे पहिले जाते ? या एका निर्देशकांचा वापर या अहवालासाठी करण्यात आला आहे. सोबतच शिक्षकांचा त्या त्या देशांतील पगार, पालक त्यांना या व्यवसायामध्ये
येण्यासाठी किती प्रोत्साहित करता किंवा नाही या निर्देशकांचाही वापर या अहवालाच्या निष्कर्षांसाठी करण्यात आला आहे.
2018 च्या ग्लोबल टीचर्स स्टेटस इंडेक्स अहवालानुसार शिक्षकांविषयीचा समाजातील आदर आणि विद्यार्थ्यांची शैक्षणिक प्रगती यांमध्ये सकारात्मक संबंध आहे. चीन आणि मलेशिया या देशांना अनुक्रमे 100 आणि 93 गुण असून हे देश प्रथम आणि द्वितीय स्थानावर आहेत. तायवान रशिया आणि इंडोनेशिया हे देश पहिल्या पाचमध्ये तर अर्जेंटिना, घाना, इटली, इस्त्राईल आणि ब्राझील हे देश शेवटच्या पाच देशांत आहेत.

मिसबाह बनला पाकिस्तानचा मुख्य प्रशिक्षक :

पाकिस्तान क्रिकेट संघात सुधारणा घडवून आणण्याच्या मोहिमेंतर्गत माजी कर्णधार मिसबाह उल हक याच्याकडे मुख्य प्रशिक्षक तसेच मुख्य निवडकर्ता पदाची जबाबदारी सोपविण्यात आली.
पाक संघ जुलैमध्ये विश्वचषकाची उपांत्य फेरी गाठण्यात अपयशी ठरला होता.त्यामुळे पीसीबीने तत्कालीन मुख्य प्रशिक्षक मिकी आर्थर यांचा कार्यकाळ संपविण्याचा निर्णय घेतला होता.
तर गोलंदाजी प्रशिक्षक अझहर मेहमूद आणि फलंदाजी प्रशिक्षक ग्रँट फ्लॉवर यांना देखील बाहेरचा रस्ता दाखविण्यात आला. मिसबाह पुढील तीन वर्षांसाठी प्रशिक्षक असतील, असे पीसीबीने जाहीर केले.
माजी गोलंदाज वकार युनूस यांना गोलंदाजी प्रशिक्षक म्हणून निवडण्यात आले आहे. माजी क्रिकेटपटू इन्तिखाब आलम व वाजीद खान, पाकिस्तान क्रिकेट मंडळाचे सदस्य असद अली खान, मंडळाचे मुख्य कार्यकारी अधिकारी वासिम खान आणि मंडळाच्या आंतरराष्ट्रीय विभागाचे संचालक झाकीर खान या पाच सदस्यांच्या समितीने मिसबाह याची एकमताने निवड केली.

अमेरिकन खुली टेनिस स्पर्धात सेरेनाचा शतकमहोत्सव :

सेरेना विल्यम्सने वांग क्विंगला फक्त 44 मिनिटांत नामोहरम करून अमेरिकन खुल्या टेनिस स्पर्धेतील शतकमहोत्सवी विजयाची नोंद केली आणि विक्रमी 24व्या ग्रँडस्लॅम जेतेपदाकडे दिमाखात वाटचाल केली.
तसेच सहा वेळा अमेरिकन विजेत्या सेरेनाने मंगळवारी चीनच्या 18व्या मानांकित वांगला 6-1, 6-0 असे सहज पराभूत केले. आता उपांत्य फेरीत तिची युक्रेनच्या एलिना स्विटोलिनाशी गाठ पडणार आहे. अमेरिकन खुल्या टेनिस स्पर्धेच्या इतिहासात विजयांचे शतक नोंदवणाऱ्या ख्रिस एव्हर्टच्या पंक्तीत आता सेरेना दाखल झाली आहे.

दिनविशेष :

5 सप्टेंबर हा दिवस राष्ट्रीय शिक्षक दिन तसेच आंतरराष्ट्रीय दान दिन म्हणून पाळला जातो.
भारताचे दुसरे राष्ट्रपती, तत्त्वज्ञ डॉ. सर्वपल्ली राधाकृष्णन यांचा जन्म 5 सप्टेंबर 1888 मध्ये झाला होता.
भाषा व इतिहास संशोधक, लेखक अनंत काकबा प्रियोळकर यांचा जन्म 5 सप्टेंबर 1895 मध्ये झाला.
सुप्रसिद्ध कथ्थक नृत्यांगना दमयंती जोशी यांचा जन्म 5 सप्टेंबर 1928 रोजी झाला.
सन 1984 मध्ये एस.टी.एस. 41-डी-स्पेस शटल डिस्कव्हरीने आपली पहिली अंतराळयात्रा पूर्ण केली.

चालू घडामोडी PDF स्वरुपात मिळविण्यासाठी येथे क्लिक करा

Must Read (नक्की वाचा):

चालू घडामोडी (6 सप्टेंबर 2019)

6 years ago

Sonali Borade

With Sonali's thorough backing of education in online journalism and a strong affinity to foster proper guidance, she is looking forward to engaging readers on smart education subjects. She covers articles related to all upcoming exam schedules and is much sought after due to his crisp style of writing. Sonali strongly believes that education is the future and evokes this interest in the readers.