30 October 2020 Current Affairs In Marathi (Chalu Ghadamodi)

चालू घडामोडी (30 ऑक्टोबर 2020)

देशातील 736 धरणांची सुरक्षा:

• देशातील 736 धरणांची सुरक्षा आणि त्यांच्या देखभालीसाठी 10,211 कोटींच्या योजनेला केंद्रीय मंत्रिमंडळाने गुरुवारी मंजुरी दिली.
• एप्रिल 2021 ते मार्च 2031 या दहा वर्षांमध्ये ही योजना दोन टप्प्यांमध्ये राबवण्यात येईल.
• या योजनेसाठी जागतिक बँक व आशियाई पायाभूत गुंतवणूक बँक (एआयआयबी) 7 हजार कोटींचे कर्ज देणार आहे.
• देशातील या योजनेतील 736 धरणांपैकी महाराष्ट्रातील 167, राजस्थानातील 189 आणि तमिळनाडूतील 59 धरणांचा समावेश आहे.
• अमेरिका आणि चीननंतर सर्वाधिक मोठी धरणे भारतात आहेत. देशात 5334 मोठी व मध्यम धरणे आहेत.
• शिवाय, 411 धरणे बांधण्याची प्रक्रिया सुरू आहे. काही धरणे शंभर वर्षे जुनी आहेत. 80 टक्के धरणे 25 वर्षे जुनी आहेत.
• एकूण धरणांपैकी 736 धरणांची डागडुजी, सुधारणा व क्षमतावाढ करण्याची गरज आहे. या योजनेत या धरणांची
• शास्त्रीयदृष्टय़ा देखभाल केली जाईल, अशी माहिती जलशक्तीमंत्री गजेंद्र सिंह शेखावत यांनी दिली.

लष्कराने स्वत:च सुरक्षित मोबाइल अ‍ॅप्लिकेशन विकसित केलं साई असे नाव दिले:

• परस्परांशी चॅट करण्यासाठी लष्करी अधिकाऱ्यांना आता अन्य बाहेरच्या मोबाइल अ‍ॅप्लिकेशनवर अवलंबून राहण्याची गरज नाही.
• लष्कराने स्वत:च सुरक्षित मोबाइल अ‍ॅप्लिकेशन विकसित केलं आहे. त्यावरुन ते परस्परांशी चॅट करु शकतात.
• त्याला ‘सेक्युर अ‍ॅप्लिकेशन फॉर इंटरनेट’ (साई) असे नाव दिल्याचे लष्कराकडून गुरुवारी सांगण्यात आले.
• व्हॉटसअ‍ॅप, टेलिग्राम, जीआयएमएस सारख्या व्यावसायिक मेसेजिंग अ‍ॅप्लिकेशन सारखेच हे मोबाइल अ‍ॅप्लिकेशन आहे.
• “अ‍ॅड्रॉइड प्लॅटफॉर्मवरुन इंटरनेटद्वारे टेक्सट आणि व्हिडीओ कॉलिंग करता येईल. इन हाऊस सर्व्हरसह कोडिंगची सुरक्षेचे सर्व फिचर या साई अ‍ॅपमध्ये आहेत”

बार्सिलोनाच्या विजयात मेसीचे योगदान:

• बार्सिलोनाने यंदाच्या हंगामातील सर्वोत्तम फुटबॉल खेळ करत चॅम्पियन्स लीगमध्ये युव्हेंटसला 2-0 असे पराभूत केले.
• मेसीने पेनल्टीवर केलेला गोल बार्सिलोनाच्या विजयात मोलाचा ठरला.
• मेसीने नेहमीप्रमाणे सर्वोत्तम कामगिरी केली. याउलट रोनाल्डोच्या जागी युव्हेंटस संघात निवड झालेल्या इवारो मोराटाचे तीन गोल ऑफसाइड असल्याने रद्द करण्यात आले.
• याउलट बार्सिलोनाने 14व्या मिनिटालाच ओस्माने डेम्बलेच्या गोलवर 1-0 आघाडी घेतली होती.

दिनविशेष:

• 30 ऑक्टोबर हा दिवस ‘आंतरराष्ट्रीय ऑर्थोपेडिक परिचारिका दिन‘ आहे.
• भारतीय भौतिकशास्त्रज्ञ डॉ. होमी जहांगीर भाभा यांचा जन्म 30 ऑक्टोबर 1909 मध्ये झाला.
• सन 1920 मध्ये सिडनी येथे कम्युनिस्ट पार्टी ऑफ ऑस्ट्रेलियाची स्थापना करण्यात आली.
• सन 1945 मध्ये भारताला संयुक्त राष्ट्रांचे (United Nations) सदस्यत्त्व मिळाले.
• शिवाजी पार्कवर सन 1966 मध्ये शिवसेनेचा पहिला दसरा मेळावा झाला.