चालू घडामोडी (8 ऑगस्ट 2016)
पंतप्रधानच्या हस्ते ‘मिशन भगीरथ’चे उदघाटन :
- पंतप्रधान नरेंद्र मोदी यांच्या हस्ते (दि.7) मिशन भगीरथच्या पहिल्या टप्प्याचे उद्घाटन झाले.
- राज्यात प्रत्येक घरात पिण्याचे शुद्ध पाणी पाईपलाईनद्वारे पुरविण्याचा हा तेलंगण सरकारचा महत्वाकांक्षी प्रकल्प आहे.
- गजवेल विधानसभा मतदार संघातील कोमतीबांदा (जिल्हा मेदक) खेड्यात मोदी यांच्या हस्ते या प्रकल्पाच्या कोनशिलेचे अनावरण झाले.
- मुख्यमंत्री के.चंद्रशेखर राव या मतदारसंघातून निवडून आले आहेत.
- तसेच यावेळी मोदी यांच्या हस्ते हैदराबाद ते करीमनगर या 152 किलोमीटर लांबीच्या मनोहराबाद-कोथापल्ली नव्या रेल्वमार्गाचा पायाभरणी समारंभ, राष्ट्रीय औष्णीक वीज महामंडळाच्या तेलंगणा सुपर थर्मल पॉवर प्रकल्पाचा (टप्पा-1), वरंगल येथील रामगुंडम, कलोजी नारायण राव युनिव्हर्सिटी ऑफ हेल्थ सायन्सेस व रामगुंडम खत कारखान्याच्या कोनशिलेचे अनावरणही झाले.
- 2014 मध्ये तेलंगण राज्याची स्थापना झाल्यानंतर मोदी यांची ही पहिलीच भेट होती.
Must Read (नक्की वाचा):
ऑलिम्पिकमध्ये दीपा कर्माकरला अंतिम फेरीत स्थान :
- रिओ ऑलिम्पिकमध्ये पहिला दिवस भारतासाठी निराशजनक गेला होता, तसेच दुसऱ्या दिवशी भारताच्या पदरी निराशाच आली.
- पण दीपा कर्माकरने जिम्नॅस्टिक्‍स वॉल्टमध्ये चोख कामगीरी करत अंतिम फेरीच्या पात्रता फेरीत 8 व्या क्रमांकावर राहत स्पर्धेतील आपले आव्हान जिंवत ठेवले आहे.
- जिम्नॅस्टिक्‍सच्या अंतिम फेरीत प्रवेश करणारी दीपा कर्माकर पहिली भारतीय महिला ठरली आहे.
- 14.850 गुणासह दीपाने 8 वे स्थान कायम ठेवले.
- रिओच्या 52 वर्षात भारतातर्फे जिम्नॅस्टिक्‍स सपर्धेत खेळणारी दीपा पहिली महिला खेळाडू आहे.
- जिम्नॅस्टिक्‍स महिला पात्रता फेरीतील सबडिव्हिजन 3 मध्ये उत्कृष्ठ प्रदर्षन करताना दीपाने 14.85 गुण मिळवले.
‘ग्रॅंटस इन एड’ योजना सरकारकडून बंद :
- वाजपेयी सरकारने सुरू केलेली आदिवासी प्राथमिक शाळांसाठी निधी देण्याची आधीच्या भाजप सरकारचीच योजना सरकारने बंद केली आहे.
- वर्षाला 16 लाख रुपये अनुदान देणारी ही ‘ग्रॅंटस इन एड’ योजना आदिवासी विकास मंत्रालयाने एकदम बंद केली.
- परिणामी, देशभरातील अशा शेकडो शाळा, तेथील शिक्षक-कर्मचारी व त्या वाटेवरून शिक्षणाच्या प्रवाहात येणारी आदिवासी बालके यांच्या भवितव्याचा गंभीर प्रश्‍न उपस्थित झाला आहे.
- तसेच महाराष्ट्रात अशा सुमारे 14 शाळा आहेत.
- प्राथमिक शाळा चालविण्यासाठी वनवासीबहुल भागांत निवासासाठी स्वयंसेवी संस्थांना दरवर्षी केंद्राकडून जाणारा हा निधी आहे.
राज्यातील पहिला पतंजली मॉल बीडमध्ये :
- रामदेव बाबांच्या पतंजलीचा राज्यातील पहिला मॉल सुरू करण्याचा मान बीडला मिळाला असून, (दि.7) रोजी येथील सुभाष रोडवरील छत्रपती संकुलात सुरू झाले.
- पतंजलीचे राज्याचे प्रभारी अ‍ॅड. श्रीराम लाखे यांच्या संकल्पनेतून हा मॉल सुरू करण्यात आला आहे.
- नारायणगडाचे ह.भ.प. शिवाजी महाराज यांच्या हस्ते मॉलचे उद्घाटन करण्यात आले.
- ग्राहकांना एकाच छताखाली आता पतंजलीचे 480 प्रॉडक्टस याठिकाणी मिळणार असून, याच ठिकाणी पतंजली चिकित्सालयही कार्यरत राहणार आहे.
- बीड शहरात पतंजली योग समितीच्या वतीने सतत वेगवेगळे उपक्रम सुरू असतात.
- सध्या शहरात 365 दिवसांचे योग शिबीरही सुरू असून, यालाही लोकांचा चांगला प्रतिसाद आहे.
चीनला हवी भारताची मदत :
- आंतरराष्ट्रीय राजकारणात चीनने भारतावर नेहमीच कुरघोडी करण्याचा प्रयत्न केला आहे.
- मात्र आता दक्षिण चीनवरील मालकी हक्क मिळविण्यासाठी चीनने खुद्द भारताकडे मदत मागितली आहे.
- तसेच यासाठी चीनचे परराष्ट्रमंत्री वांग यी 12 ऑगस्टपासून भारताच्या दौऱ्यावर येत आहेत.
- यी यांच्या तीन दिवसांच्या दौऱ्यामध्ये ते पंतप्रधान नरेंद्र मोदी यांची भेट घेणार आहेत.
- तसेच जी-20 देशांच्या बैठकीमध्ये भारताने दक्षिण चीनचा मुद्दा उचलून धरण्यासाठी प्रयत्न केले जाणार आहेत.
- भारताने या मुद्द्यावर आपल्या बाजूने राहावे, अशी अपेक्षा चीनकडून व्यक्त केली जात आहे.
- काही दिवसांपूर्वी हेग येथील आंतरराष्ट्रीय लवादाने दक्षिण चीन समुद्रावर चीनने केलेला दावा अयोग्य असून, त्याला कायदेशीर व ऐतिहासिक आधार नसल्याचा निकाल दिला होता.
- चीनविरोधात फिलिपिन्सने खटला दाखल केला होता. खटल्याचा निकाल फिलिपिन्सच्या बाजूने लागताच चीनचे अध्यक्ष शी जीनपिंग व परराष्ट्रमंत्रालयाने तो निकाल आपल्यावर बंधनकारक नसल्याचे सांगत निकाल मान्य करण्यास साफ नकार दिला होता.
आता राज्यात सुरू होणार 15 सायबर लॅब :
- ऑनलाइन गुन्ह्यांचा तातडीने शोध लावण्यासाठी उपयुक्त ठरणाऱ्या सायबर लॅब निर्मितीची प्रक्रिया राज्यात वेगात सुरू आहे.
- नागपूरसह ठिकठिकाणच्या 15 सायबर लॅबचे काम अंतिम टप्प्यात असून, या स्वातंत्र्यदिनी, 15 ऑगस्टला त्या कार्यान्वित होणार आहेत.
- तसेच त्यामुळे आता पोलिसांना ‘फॉरेन्सिक लॅब’च्या अहवालांवर महिनोंमहिने अवलंबून राहावे लागणार नाही.
- मुख्यमंत्री देवेंद्र फडणवीस यांनी गृहमंत्रालयाची जबाबदारी स्वीकारल्यानंतर पोलीस दल स्मार्ट बनविण्याची योजना जाहीर केली होती.
- योजनेतील महत्त्वाचा टप्पा असलेल्या ‘सायबर लॅब’ची निर्मिती प्रत्येक जिल्हा पोलीस मुख्यालयी करण्यात येणार आहे.
दिनविशेष :
- 1921 : वुलिमिरी रामलिंगस्वामी, भारतीय वैद्यकीयशास्त्रज्ञ यांचा जन्म.
- 1932 : दादा कोंडके, मराठी लोकप्रिय अभिनेते यांचा जन्म.
- 1940 : दिलीप सरदेसाई, भारतीय क्रिकेट खेळाडू यांचा जन्म.
- 1949 : भुतानच्या राष्ट्राची स्थापना.
चालू घडामोडी PDF स्वरुपात मिळविण्यासाठी येथे क्लिक करा