नरेंद्र मोदी यांना सेऊल शांतता पुरस्कार (संपूर्ण माहिती)

नरेंद्र मोदी यांना सेऊल शांतता पुरस्कार (संपूर्ण माहिती)

• 2018 च्या सेऊल शांतता पुरस्कारासाठी पुरस्कार निवड समितीने पंतप्रधान नरेंद्र मोदी यांची निवड केली आहे. दक्षिण कोरियाच्या सेऊल पीस प्राईस फाउंडेशनतर्फे हा पुरस्कार देण्यात येतो.

प्रमुख मुद्दे –

• हा पुरस्कार मिळणारे नरेंद्र मोदी हे 14वे व्यक्ती आहेत.
• आंतरराष्ट्रीय सहकार्य सुधारणे, जागतिक आर्थिक वृद्धीसाठी केलेले प्रयत्न, भारतासारख्या वेगाने विकसित होणार्‍या अर्थव्यवस्थेचा वृद्धीदर वाढवून मानव विकास साधण्याचा प्रयत्न आणि भ्रष्टाचाराविरोधी तसेच सामाजिक एकात्मता वाढवण्यासाठी चालवलेल्या मोहिमांच्या माध्यमातून लोकशाही बळकट करण्याच्या नरेंद्र मोदी यांचा प्रयत्नाची दखल घेत समितीने त्यांची यंदाच्या पुरस्कारासाठी निवड केली.
• भारत व जागतिक अर्थव्यवस्थेच्या विकासासाठी मोदी यांनी दिलेले योगदान, गरीब आणि श्रीमंत यांच्यातील आर्थिक विषमता कमी करण्यासाठी त्यांनी आखलेली धोरणे जी ‘मोदीनॉमिक्स‘ म्हणून ओळखली जातात, या कार्याची दाखल समितीने घेतली.
• जागतिक पातळीवर यशस्वी परदेश धोरण आखून प्रादेशिक आणि जागतिक शांततेसाठी पंतप्रधान करत असलेले प्रयत्न जे ‘मोदीडॉक्ट्रिन‘ आणि ‘अॅक्ट इस्ट पॉलिसी‘ या नावाने ओळखली जातात, त्याबद्दल समितीने मोदी यांना श्रेय दिले.