Current Affairs of 28 October 2015 For MPSC Exams
![चालू घडामोडी (28 ऑक्टोबर 2015) चालू घडामोडी (28 ऑक्टोबर 2015)](https://www.mpscworld.com/wordpress/wp-content/uploads/2015/10/28-oct.jpg)
चालू घडामोडी (28 ऑक्टोबर 2015)
पुणे विभाग लाचखोरीत पहिल्या क्रमांकावर :
- लाचलुचपत प्रतिबंधक विभागातर्फे गेल्या वर्षापासून मोठ्या प्रमाणात करण्यात येत असलेली जनजागृती, कारवाईचा बडगा यामुळेच गेल्या वर्षाअखेर लाचखोरीत अव्वल असणारा नाशिक विभाग यंदा लाचखोरीत दुसऱ्या क्रमांकावर आहे.
- पुणे (187) विभागापाठोपाठ नाशिकमध्ये यंदा 161 सापळे यशस्वी झाले आहेत.
- नाशिक, नगर, जळगाव, नंदुरबार आणि धुळे जिल्ह्यांचा समावेश असलेल्या नाशिक परिक्षेत्रात गेल्या वर्षीप्रमाणेही लाचलुचपत प्रतिबंधक विभागातर्फे मोठ्या प्रमाणावर कारवाई करण्यात आली आहे.
- यामध्ये सर्वाधिक यशस्वी सापळे जळगाव (53) जिल्ह्यात झाले असून, नंदुरबार (10) जिल्ह्यात सर्वाधिक कमी सापळे आहेत.
Must Read (नक्की वाचा):
फेसबुक युजर्ससाठी फेसबुकने “सेफ्टी चेक” टूल उपलब्ध :
- भारतासह, पाकिस्तान आणि अफगाणिस्तानमध्ये झालेल्या भूकंपग्रस्त भागातील फेसबुक युजर्ससाठी फेसबुकने “सेफ्टी चेक” टूल उपलब्ध करून दिले आहे.
- या टूलद्वारे भूकंपग्रस्त भागात असलेला युजर सुरक्षित असल्याचा संदेश मिळणार आहे.
- भूकंपाच्या अनुभव आणि या “सेफ्टी टूल”बाबत माहिती झुकेरबर्गने फेसबुक पोस्टद्वारे माहिती दिली आहे.
- भूकंपग्रस्त भागातील नागरिकांना आपल्या सुरक्षिततेची माहिती इतरांना देण्यासाठी फेसबुकवर https://www.facebook.com/safetycheck/afghanistanearthquake-oct2015/ या लिंकवर जाऊन सुरक्षित असल्याची माहिती जतन करण्याची सुविधा देण्यात आली आहे.
- त्याद्वारे इतरांना संबंधित युजरची माहिती मिळण्यास मदत होणार आहे.
नोव्हेंबरमध्ये मॅगी भारतातील बाजरात उपलब्ध होईल :
- “नेस्ले”ने भारतामध्ये “इन्स्टंट मॅगी”चे उत्पादन सुरु केले असून तपासणीनंतर ती बाजारात उपलब्ध करून देण्यात येणार आहे.
- साधारण नोव्हेंबरमध्ये मॅगी भारतातील बाजरात उपलब्ध होईल, अशी आशा “नेस्ले”च्या प्रवक्त्याने व्यक्त केली आहे.
- भारतातील नाजनगड (कर्नाटक), मोगा (पंजाब) आणि बायचोलिम (गोवा) या तीन ठिकाणी “मॅगी नूडल्स”चे उत्पादन सुरु केले आहे.
- आरोग्यासाठी अपायकारक घटक सापडल्याने मॅगीवर संपूर्ण भारतात बंदी आणण्यात आली होती.
- त्यानंतर मुंबई उच्च न्यायालयाने नव्याने उत्पादन करण्यात आलेल्या “मॅगी”चे नमुने तीन प्रयोगशाळांद्वारे तपासण्याचे आदेश दिले होते.
- त्यामुळे आता नव्याने तयार करण्यात आलेल्या “मॅगी”चे नमुने लवकरच प्रयोगशाळांमध्ये तपासणीसाठी पाठविण्यात येणार आहेत.
- त्यानंतर ना हरकत प्रमाणपत्र मिळाल्यावर मॅगी बाजारात विक्रीसाठी खुली करण्यात येणार आहे.
मंत्रालयात महिला कर्मचाऱ्यांसाठी हिरकणी कक्षाचा प्रारंभ :
- मंत्रालयात काम करणाऱ्या स्तनदा महिला कर्मचाऱ्यांसाठी हिरकणी कक्षाचा प्रारंभ करण्यात आला.
- महिला व बालकल्याणमंत्री पंकजा मुंडे यांनी त्यासाठी पुढाकार घेतला.
आघाडीचा फलंदाज जो रुट याला कसोटीतील अव्वल फलंदाजाचे स्थान :
- इंग्लंडचा आघाडीचा फलंदाज जो रुट याने पुन्हा कसोटीतील अव्वल फलंदाजाचे स्थान मिळविले आहे.
- तर, भारताच्या विराट कोहली 11 वरून 13 वर घसरला आहे.
- आंतरराष्ट्रीय क्रिकेट परिषदेने नुकतीच कसोटी क्रमावारी जाहीर केली.
- कोहलीनंतर भारताचा चेतेश्वर पुजारा 20 व्या, मुरली विजय 21, अजिंक्य रहाणे 22, शिखर धवन 32 व रोहित शर्मा 46 व्या स्थानी आहेत.
- मिस्बाहने 102 व 86 धावा करून क्रमावारीत 5 अंकांची सुधारणा करून 11 व्या स्थानी झेप घेतली.
- शफीकने 83 व 87 धावांची खेळी करून आत्तापर्यंतचे सर्वश्रेष्ठ 12वे स्थान मिळविले.
- गोलंदाजीत भारताचा रविचंद्रन आश्विन आठव्या स्थानी कायम आहे.
- अव्वल गोलंदाजांत डेल स्टेन याने आपले अग्रस्थान कायम राखले आहे.
- दुबईत 8 बळी मिळविणारा पाकिस्तानचा फिरकी गोलंदाज यासीर शाह याने प्रथमच दुसरे स्थान मिळविले आहे.
अंतराळ कचऱ्यातील एक मोठा तुकडा पृथ्वीवर आदळणार :
- अंतराळ कचऱ्यातील एक मोठा तुकडा पृथ्वीवर आदळणार असून या घटनेबाबत भीतीयुक्त औत्सुक्य निर्माण झाले आहे.
- अपोलो अंतराळ मोहिमेच्या काळातील किंवा अलीकडील चांद्रमोहिमेदरम्यानच्या असू शकणाऱ्या या मानवनिर्मित तुकड्याचे ‘डब्ल्यूटी1190एफ’ असे नामकरण करण्यात आले आहे.
- तथापि ‘डब्ल्यूचीएफ’ या टोपणनावाने तो ओळखला जातो.
- ‘डब्ल्यूचीएफ’ 13 नोव्हेंबरला सकाळी सहा वाजून 15 मिनिटांनी पृथ्वीवर कोसळेल, असा इशारा शास्त्रज्ञांनी दिला आहे.
- हा तुकडा पोकळ असून तो रॉकेटचा वापर झालेला भाग किंवा अलीकडील चांद्र मोहिमेचे ‘पॅनेलिंग शेड’ असू शकतो.
- या तुकड्याचा व्यास एक ते दोन मीटर असून तो श्रीलंकेच्या दक्षिण टोकापासून ४० मैल अंतरावर हिंद महासागरात कोसळण्याची शक्यता आहे.
- पृथ्वीच्या वातावरणात प्रवेश केल्यानंतर हा तुकडा जळून जाणे अपेक्षित आहे मात्र तसे न झाल्यास त्याचे उर्वरित अवशेष बॉम्बसारखे आदळू शकतात, असे शास्त्रज्ञांनी सांगितले.
दिनविशेष :
- 1811 : संस्थानिक यशवंतराव होळकर यांचे निधन
- 1867 : हिंदू धर्म संस्कृतीच्या सखोल अभ्यासक, स्वामी विवेकानंदांच्या पाश्च्यात्य शिष्या मार्गारेट नोबेल उर्फ भगिनी निवेदिता यांचा जन्म.
- 1885 : राष्ट्रीय सभेची स्थापना.
- 1955 : बिल गेट्स यांचा जन्म