चालू घडामोडी (3 मे 2017)
आंतरराष्ट्रीय हापकिडो बॉक्सिंग स्पर्धेत अकोल्याला दोन सुवर्णपदके :
- भूतान येथे 30 एप्रिल रोजी पार पडलेल्या आंतरराष्ट्रीय हापकिडो बॉक्सिंग चॅम्पियनशिप स्पर्धेत अकोला युथ कराटे अ‍ॅण्ड सेल्फ डिफेन्स क्लबच्या खेळाडूंनी भारतीय संघाचे प्रतिनिधित्व करीत दोन सुवर्णपदके पटकावले.
- प्रियंका इंगळे व साहिल गोखले यांनी आपापल्या वजनगटात सर्वोत्तम कामगिरी करीत सुवर्णपदक पटकाविले.
- प्रियंका व साहिलची फ्लोरिडा (यूएसए) येथे 12 व 13 ऑगस्ट रोजी होणाऱ्या विश्व चॅम्पियनशिपकरिता याच स्पर्धेतून निवड करण्यात आली आहे.
गाळमुक्त धरण अन् गाळयुक्त शिवार योजना :
- राज्यातील धरणे व जलसाठ्याच्या साठवण क्षमतेत वाढ करण्याच्या दृष्टीने तसेच धरणांमधील गाळ काढून तो शेतांमध्ये वापरण्याची तरतूद असलेली गाळमुक्त धरण व गाळयुक्त शिवार योजना राबविण्याचा निर्णय मंत्रिमंडळ बैठकीत घेण्यात आला.
- लघु पाटबंधारे तलाव, साठवण तलाव, गाव तलाव, पाझर तलाव व विदर्भातील माजी मालगुजारी तलाव मिळून 31 हजार 459 जलसाठ्यांमधील गाळ काढण्यात येईल.
- तसेच त्यांची साठवण क्षमता ही 42.54 लक्ष घनमीटर असून सिंचन क्षमता 8 लाख 68 हजार हेक्टर आहे.
कोकणात प्रथमच ‘पितांबरी’चा सेंद्रिय गूळ प्रकल्प :
- कोकणात प्रथमच साकारलेल्या पितांबरी कंपनीच्या सेंद्रिय गूळनिर्मिती प्रकल्पाचे उद्‌घाटन नुकतेच राजापूरच्या तळवडे गावात कोकण भूमी प्रतिष्ठानचे संजय यादवराव यांच्या हस्ते झाले.
- पितांबरी प्रॉडक्‍ट्‌सचे व्यवस्थापकीय संचालक रवींद्र प्रभूदेसाई, अरविंद नानिवडेकर, ऍग्रिकेअर विभागाचे सुहास प्रभूदेसाई, शेतकरी व ग्रामस्थ आदि उपस्थित होते.
- पितांबरी कंपनीच्या वतीने कोकणातील शेतकऱ्यांना प्रोत्साहन देऊन सेंद्रिय गूळनिर्मिती प्रकल्पाची सुरुवात करण्यात आली आहे.
- ऊस लागवडीतून परिसरातील शेतकऱ्यांना रोजगार मिळाला आहे. या प्रकल्पामुळे कंपनीमध्ये 60 ते 70 कामगारांना रोजगार उपलब्ध होणार आहे.
- सुमारे दोन हजार टन उसाचे गाळप होणार असून, त्यासाठी 200 टन सेंद्रिय गुळाचे उत्पादन होणार आहे. या प्रकल्पामध्ये गूळ पावडर, गूळ ढेप, काकवी व इतर विविध पदार्थ बनवण्यात येणार आहेत.
दिनविशेष :
- 3 मे हा आंतरराष्ट्रीय सूर्य दिन आहे.
- 3 मे हा जागतिक श्वसनदाह निवारण दिन आहे.
- मराठी चित्रपट दिग्दर्शक व चित्रपट महर्षी ‘भालजी पेंढारकर’ यांचा जन्म 3 मे 1898 मध्ये झाले.
- ‘राजा हरिश्चंद्र’ हा पहिला भारतीय चित्रपट मुंबईत 3 मे 1913 रोजी प्रदर्शित झाला.
चालू घडामोडी PDF स्वरुपात मिळविण्यासाठी येथे क्लिक करा