Categories: Current Affairs (चालू घडामोडी)Education News

2 एप्रिल 2022 चालू घडामोडी – Current Affairs

2 April 2022 Current Affairs In Marathi (Chalu Ghadamodi)

चालू घडामोडी (2 एप्रिल 2022)

‘जीएसटी’ वसुलीचा विक्रम :

करोनाची तिसरी लाट ओसरल्यानंतर भारतातील आर्थिक घडामोडी पुन्हा रुळावर येताना दिसत आहेत.
जीएसटी संकलनाची मार्च महिन्याची आकडेवारीवरून दिसत आहे.
अर्थ मंत्रालयाने शुक्रवार जारी केलेल्या आकडेवारीनुसार मार्च महिन्यात जीएसटी संकलन विक्रमी 1.42 लाख कोटी रुपये झाले आहे.
तर हे लक्षात घेण्यासारखे आहे की यापूर्वी जानेवारीमध्ये जीएसटी संकलन सर्वाधिक 1,40,986 कोटी रुपये होते.
तर, मार्च 2022 मध्ये एकत्रित GST महसूल 1,42,095 कोटी रुपये आहे.
मार्चमधील महसूल हा गेल्या वर्षीच्या याच महिन्यातील जीएसटी महसुलापेक्षा 15 टक्क्यांनी जास्त आहे.

Must Read (नक्की वाचा):

चालू घडामोडी (1 एप्रिल 2022)

पंतप्रधान नरेंद्र मोदीची विद्यार्थ्यांशी परीक्षा पे चर्चा :

पंतप्रधान नरेंद्र मोदी यांनी परीक्षा पे चर्चा या आपल्या कार्यक्रमाच्या 5व्या भागामध्ये देशभरातल्या विद्यार्थ्यांना मार्गदर्शन केलं.
तर यावेळी विद्यार्थ्यांशी संवाद साधताना पंतप्रधान मोदी म्हणाले की, हा माझा अत्यंत आवडता कार्यक्रम आहे.
पण करोनामुळे मी तुमच्या सारख्या माझ्या सहकाऱ्यांना भेटू शकलो नाही. आज होणारा हा कार्यक्रम माझ्यासाठी खूप आनंददायी आहे, कारण मोठ्या अंतरानंतर आपल्याला भेटण्याची संधी मिळत आहे.
पंतप्रधान मोदी यांनी कार्यक्रमाच्या शेवटी निवेदन करणाऱ्या पाच विद्यार्थ्यांना मंचावर बोलावलं आणि त्यांना शुभेच्छा दिल्या.
तर त्यांनी सांगितलं की पूर्ण कार्यक्रमादरम्यान कोणत्याही विद्यार्थ्यामध्ये मला आत्मविश्वास कमी वाटला नाही. पंतप्रधानांनी विद्यार्थी आणि शिक्षणविभागाला शुभेच्छा देऊन कार्यक्रमाची सांगता केली.

टेबल टेनिसपटू मीना परांडे यांचे निधन :

भारताच्या माजी टेबल टेनिसपटू मीना परांडे यांचे शुक्रवारी नागपूर येथे निधन झाले.
मीना यांनी जवळपास दोन दशकांच्या टेबल टेनिसमधील कारकीर्दीत राष्ट्रीय आणि आंतरराष्ट्रीय स्तरावर आपली छाप पाडली होती.
तर त्यांनी चार वेळा राष्ट्रीय स्पर्धेचे जेतेपद पटकावले.
तसेच त्या 1953 ते 1958 या कालावधीत महाराष्ट्र, तर 1959 ते 1965 या कालावधीत रेल्वेकडून खेळल्या.
तसेच मीना यांनी 1954 मध्ये इंग्लंड, तर 1956 मध्ये जपान येथे झालेल्या जागतिक अजिंक्यपद स्पर्धामध्ये भारताचे प्रतिनिधित्व केले.
खेळाडू म्हणून निवृत्त झाल्यानंतर मीना यांनी प्रशिक्षकाची भूमिका बजावताना अनेक टेबल टेनिसपटू घडवले.

दिनविशेष:

2 एप्रिल हा दिवस ‘जागतिक आत्मकेंद्रिपणा जागरूकता दिन‘ म्हणून पाळला जातो.
सन 1870 मध्ये गणेश वासुदेव जोशी ऊर्फ सार्वजनिक काका यांच्या प्रेरणेने पुणे सार्वजनिक सभेची स्थापना झाली.
1894 यावर्षी छत्रपती राजार्षी शाहू महाराज यांचा राज्याभिषेक झाला.
भारतीय कवी व गीतकार सूर्यकांत रामचंद्र खांडेकर यांचा जन्म 2 एप्रिल 1926 रोजी झाला होता.
2 एप्रिल 2011 रोजी क्रिकेट विश्वकरंडक स्पर्धेत भारताने 28 वर्षांनंतर विजय मिळवला.

Must Read (नक्की वाचा):

चालू घडामोडी (3 एप्रिल 2022)

3 years ago

Dhanshri Patil

Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.