Categories: Current Affairs (चालू घडामोडी)

22 जून 2022 चालू घडामोडी – Current Affairs

लिसा स्थळेकर

22 June 2022 Current Affairs In Marathi (Chalu Ghadamodi)

चालू घडामोडी (22 जून 2022)

लिसा स्थळेकर क्रिकेटपटूंच्या महासंघाची पहिली महिला अध्यक्ष :

दिग्गज माजी ऑस्ट्रेलियन क्रिकेटपटू लिसा स्थळेकर ही आंतरराष्ट्रीय क्रिकेटपटूंच्या महासंघाची (एफआयसीए) पहिली महिला अध्यक्ष असणार आहे.
स्वित्झर्लंडच्या न्यो येथे झालेल्या ‘एफआयसीए’च्या कार्यकारिणी समितीच्या बैठकीत अध्यक्षपदासाठी ऑस्ट्रेलियाची 42 वर्षीय माजी कर्णधार स्थळेकरच्या नावावर शिक्कामोर्तब करण्यात आले.
दक्षिण आफ्रिकेचा माजी फलंदाज बॅरी रिचर्डस, वेस्ट इंडिजचा माजी अष्टपैलू जिमी अ‍ॅडम्स आणि इंग्लंडचा माजी फलंदाज विक्रम सोळंकी यांनी यापूर्वी अध्यक्षपदाची जबाबदारी पार पाडली आहे.
‘एफआयसीए’ आणि खेळाडूंची जागतिक संघटना यांमध्ये झालेल्या खेळाडू विकास परिषदेआधी कार्यकारिणी समितीची बैठक झाली.
स्थळेकरने ऑस्ट्रेलियाकडून तिन्ही प्रकारांत मिळून 187 आंतरराष्ट्रीय सामन्यांत प्रतिनिधित्व केले आहे.
2005 व 2013 या एकदिवसीय विश्वचषक आणि 2010 व 2012च्या ट्वेन्टी-20 विश्वचषक विजेत्या ऑस्ट्रेलियाच्या संघातही तिचा सहभाग होता.
2013 मध्ये ऑस्ट्रेलियाने एकदिवसीय प्रकारातील विश्वचषक स्पर्धेचे जेतेपद मिळवल्यानंतर तिने क्रिकेटमधून निवृत्ती स्वीकारली.

Must Read (नक्की वाचा):

चालू घडामोडी (21 जून 2022)

तमिळनाडूत तीन नव्या पालींचा शोध :

तमिळनाडूत तीन नव्या पालींचा शोध लावण्यात आला आहे.
ठाकरे वाईल्डलाईफ फाऊंडेशनचे तेजस ठाकरे, अक्षय खांडेकर आणि इशान अगरवाल यांनी दुर्मिळ अशा तीन पालींचा शोध लावला आहे.
जर्मनीमधून प्रकाशित होणाऱ्या ‘व्हर्टब्रेट झुलॉजी’ या आंतरराष्ट्रीय संशोधन पत्रिकेत त्यांच्या संबंधातील शोध निबंध प्रकाशित झाला आहे.
या तिन्ही पाली ‘निमॉस्पीस’ प्रजातीच्या आहेत.
यामध्ये ‘निमॉस्पीस अळगू’, ‘निमॉस्पीस कलकडेनसीस’ आणि ‘निमॉस्पीस मुंदाथुराईएनसीस’ या तीन पालींचा समावेश आहे.
जगभरात पालींच्या 150 हून अधिक प्रजाती आढळून येतात.
आत्तापर्यंत पश्चिम घाटात ‘निमॉस्पीस’ प्रजातीच्या तब्बल 47 प्रजातींची नोंद करण्यात आली आहे.

मुख्य स्पर्धेत प्रवेश करणारी सानिया एकमेव भारतीय :

लंडनमधील ‘ऑल इंग्लंड लॉन टेनिस क्लब’ येथे वर्षातील तिसऱ्या ग्रँड स्लॅम टेनिस स्पर्धेची पूर्वतयारी अंतिम टप्प्यात आली आहे.
यावर्षीची विम्बल्डन टेनिस स्पर्धा 27 जून ते 10 जुलै दरम्यान होणार आहे.
21 जून या स्पर्धेची पात्रता फेरी खेळवली जात आहे.
भारतीय टेनिसपटू युकी भांबरी आणि रामकुमार रामनाथन हे पात्रता फेरीतूनच बाहेर पडले आहेत.
त्यामुळे भारताच्या सर्व आशा आता सानिया मिर्झावर असतील.

भारताचा अमेरिकेवर शानदार विजय :

भारतीय महिला हॉकी संघाने दिमाखदार पुनरागमन करत ‘एफआयएच’ प्रो लीग हॉकीमध्ये अमेरिकेविरुद्धच्या पहिल्या सामन्यात 4-2 असा विजय मिळवला.
अमेरिकेकडून डॅनिएल ग्रेगाने गोल करत संघाला आघाडी मिळवून दिली.
यानंतर भारताच्या दिप ग्रेस एक्का, नवनीत कौर आणि सोनिका यांनी गोल झळकावत संघाला 3-1 अशा मजबूत स्थितीत पोहोचवले.
यानंतर वंदना कटारियाने मैदानी गोल करीत भारताची आघाडी 4-2 अशी केली.
संघाने अखेपर्यंत ही आघाडी कायम ठेवत विजय निश्चित केला.

दिनविशेष :

22 जून सन 1757 मध्ये प्लासीची लढाई सुरू झाली.
नेताजी सुभाषचंद्र बोस यांनी काँग्रेसमधुन बाहेर पडुन 22 जून 1940 रोजी ऑल इंडिया फॉरवर्ड ब्लॉक या पक्षाची स्थापना केली.
महाराष्ट्र सरकारचे महिलाविषयक धोरण 22 जून 1994 मध्ये जाहीर झाले. त्याद्वारे सरकारी व निमसरकारी नोकर्‍यात महिलांना 30 टक्‍के आरक्षण.
अंतराळवीर सुनिता विल्यम यांनी सुमारे 194 दिवस 18 तास पूर्ण करून सर्वाधिक काळ अंतराळात राहून 22 जून 2007 रोजी त्या पृथ्वीवर परत आले.

Must Read (नक्की वाचा):

चालू घडामोडी (23 जून 2022)

3 years ago

Dhanshri Patil

Dhanshri Patil is a full-time Content Writer and author at MPSC World. With a background in Computer Engineering, Dhanshri's skill in education has assisted both early adopters and innovators learn about the ongoing happenings in the educational field. Dhanshri believes in blogs being scholarly yet simple. Her blogs are sought after for intimate details while using simple language.