7 ऑगस्ट 2022 चालू घडामोडी – Current Affairs
![जगदीप धनखड](https://www.mpscworld.com/wp-content/uploads/2022/08/जगदीप-धनखड.jpeg)
7 August 2022 Current Affairs In Marathi (Chalu Ghadamodi)
चालू घडामोडी (7 ऑगस्ट 2022)
उपराष्ट्रपतीपदी जगदीप धनखड :
- उपराष्ट्रपतीपदाच्या निवडणुकीत भाजपप्रणीत राष्ट्रीय लोकशाही आघाडीचे उमेदवार जगदीप धनखड विजयी झाले असून त्यांनी विरोधी पक्षांच्या सर्वसंमत उमेदवार मार्गारेट अल्वा यांचा अपेक्षेप्रमाणे पराभव केला.
- उपराष्ट्रपतीपदासाठी शनिवारी झालेल्या निवडणुकीत 93 टक्के मतदान झाले.
- धनखड यांना 528 मते मिळाली, तर अल्वा यांना 182 मते मिळाली. धनखड यांना मिळालेल्या मतांची टक्केवारी 73 एवढी आहे.
- उपराष्ट्रपतीपदासाठी संसदेच्या दोन्ही सदनांतील सदस्यांना मतदान करता येते.
Must Read (नक्की वाचा):
राष्ट्रकुल क्रीडा स्पर्धात अविनाश, प्रियंका यांची रौप्यपदकांची कमाई :
- स्पर्धेच्या नवव्या दिवशी अॅथलेटिक्समध्ये भारताला दोन ऐतिहासिक पदकं मिळाली.
- राष्ट्रकुल स्पर्धेतील अॅथलेटिक्समध्ये महाराष्ट्राचा अविनाश साबळे आणि प्रियंका गोस्वामी यांनी भारताच्या रौप्यपदकांमध्ये भर घातली.
- अविनाशने तीन हजार मीटर स्टिपलचेस प्रकारात, तर प्रियंकाने 10 हजार मीटर चालण्याच्या शर्यतीत दुसरा क्रमांक मिळवला.
- अविनाश आणि प्रियंकाच्या दोन पदकांसह भारताने सध्या सुरू असलेल्या राष्ट्रकुल स्पर्धेत अॅथलेटिक्समध्ये चार पदके जिंकली आहेत.
- चालण्याच्या शर्यतीत भारताने 12 वर्षांनी पदक मिळवले.
- यापूर्वी 2010 मध्ये सर्वप्रथम हरिमदर सिंगने 20 किलोमीटर चालण्याच्या शर्यतीत कांस्यपदक मिळवले होते.
19 वर्षीय भारतीय कुस्तीपटू नवीन मलिकची अविश्वसनीय कामगिरी :
- राष्ट्रकुल क्रीडा स्पर्धेत भारतीय कुस्तीपटूंची चमकदार कामगिरी सुरू आहे.
- शनिवारी नवीन मलिक या 19 वर्षीय भारतीय कुस्तीपटूने पुरुषांच्या 74 किलो वजनी गटात सुवर्ण जिंकले.
- नवीनने पाकिस्तानच्या मुहम्मद शरीफ ताहिरचा पराभव करून राष्ट्रकुल स्पर्धेतील आपले पहिले पदक निश्चित केले.
- नवीनने ताहिरचा 9-1 अशा मोठ्या फरकाने पराभव केला.
- रवी दहिया आणि विनेश फोगटनंतर नवीन मलिकने भारतासाठी कुस्तीतील सहावे सुवर्णपदक जिंकले आहे.
कुस्तीमध्ये रवी कुमार दहिया अन् विनेश फोगटची सुवर्ण कामगिरी :
- भारतीय कुस्तीपटू रवी दहियाने पुरुषांच्या 57 किलो वजनी गटात सुवर्णपदक जिंकले.
- पुरूषांच्या 57 किलो वजनी गटाच्या अंतिम फेरीत त्याने नायजेरियाच्या एबिकेवेनिमो वेल्सनचा पराभव केला.
- 2022 राष्ट्रकुल स्पर्धेत सुवर्ण जिंकणारा तो चौथा भारतीय कुस्तीपटू ठरला.
- त्यापाठोपाठ महिला कुस्तीपटू विनेश फोगटने 53 किलो वजनी गटात सुवर्ण पदक पटकावले.
दिनविशेष :
- पद्मश्री, पद्मभूषण व पद्मविभूषण भारतीय शेतीतज्ञ, हरितक्रांतीचे जनक आणि केन्द्रीय कृषी मंत्री डॉ. मनकोम्बू साम्बसिवन तथा एम.एस. स्वामीनाथन यांचा जन्म 7 ऑगस्ट 1925 मध्ये रोजी झाला.
- 7 ऑगस्ट 1941 हा दिवस जगप्रसिद्ध भारतीय कवी, कलावंत, शिक्षणतज्ञ, तत्वचिंतक, थोर पुरुष व पहिले भारतीय नोबेल पुरस्कार विजेते ‘रवींद्रनाथ टागोर‘ यांचा स्मृतीदिन आहे.
- मुंबई महानगरपालिकेने 7 ऑगस्ट 1947 रोजी बेस्ट (Bombay Electricity Supply and Transport) कंपनी आपल्या ताब्यात घेतली.
- सलग 128 वर्षे प्रकाशित झाल्यावर ‘द वॉशिंग्टन स्टार‘ हे वृत्तपत्र सन 1981 मध्ये बंद पडले.